by မြတ်သူသူနဲ့ ရှင်မင်းဆက်တို့ကတော့ “တို့မမနဲ့ တို့” ဇာတ်လမ်းတွဲရိုက်ရင်း စတွေ့ခဲ့ကြတာလို့ သိရပါတယ်။ ရှင်မင်းဆက်က မြတ်သူသူထက် ငယ်တာဖြစ်သလို အကြီးဖြစ်သူရဲ့ စကားကိုလည်း နားထောင်တတ်တယ်လို့ မြတ်သူသူက ပြောပြလာပါတယ်။
“ သူက ချစ်ဖို့ကောင်းတယ်။ ကိုယ့်ကိုလည်း အစ်မတစ်ယောက်လို သဘောထားတဲ့သူပါ။ ကိုယ်က စီနီယာဖြစ်တဲ့ အတွက် တချို့အရာလေးတွေကို ပြောပြတယ်။ ဒါကိုလည်း သူက နားထောင်တယ်။ကိုယ်က ဆရာလုပ်တာ မဟုတ်ဘူးဆိုတာလည်း သိတယ်။ တချို့နေရာတွေမှာ နှစ်ယောက်သား ဘယ်လို အပေးအယူမျှအောင် သရုပ်ဆောင်ကြမလဲဆိုတာ တိုင်ပင်လို့ရတယ်။ တစ်ယောက်နဲ့ တစ်ယောက် အပြင်မှာလည်း အမြဲတွေ့ဖြစ်တယ်။ ရှင်မင်းရဲ့ အမေနဲ့လည်း ခင်တယ်။ ကိုယ် တစ်ခုခုစားရင် သူတို့ကို သတိရတယ်” လို့ သူကဆိုပါတယ်။ ဒါ့အပြင် ရှင်မင်းဆက်ဟာ သူမရဲ့ စိတ်နဲ့ ထပ်တူကျတဲ့ မိတ်ဆွေ တစ်ယောက်ဖြစ်တယ်လို့လည်း မြတ်သူသူက ဆိုပါတယ်။
“ သူနဲ့က တစ်ယောက်နဲ့ တစ်ယောက် ဗွင်းဗွင်းရှင်းရှင်းပြောတတ်တယ်၊ ခံစားတတ်တယ် အဲဒီလိုတွေရှိတော့ ရှင်မင်းနဲ့က စိတ်ချင်းတူသွားတာပေါ့။ မြတ်သူက သူငယ်ချင်း အပေါင်းအသင်းပဲဆိုပြီး အပြင်မှာ တွေ့ကြတဲ့သူ သိပ်မရှိဘူး။ အပြင်မှာ မုန့်သွားစားကြတာမျိုး မရှိဘူး။ ဒါပေမယ့် ရှင်မင်းတို့ သားအမိနဲ့ ကြတော့ မုန့်လည်း စားဖြစ်တယ်။ ကိုယ်တစ်ခုခုစားချင်ရင် အန်တီရေ ဘာလေး စားချင်တယ်လို့ ပြောလိုက်ရင် အန်တီက ကိုယ်စားချင်တာလေး လုပ်ပေးတတ်တယ်” လို့ ဆက်လက် ပြောပြခဲ့ပါတယ်။
- Mg Kaung
