Author: celeadmin

လူရယ်လို့ဖြစ်လာပြီဆိုရင် ကိုယ်ပိုင်ပါရမီတစ်ခုတော့ ပါလာကြစမြဲပါ။ ဒီအနုပညာရှင်တွေကတော့ ပညာပါရမီရော အနုပညာစွမ်းရည်ရော ပြည့်ဝနေကြတဲ့ ကုသိုလ်ထူးသူတွေလို့ ဆိုရမှာပါပဲ။ အနုပညာမှာ လျှမ်းလျှမ်းတောက်အောင်မြင်နေသလို ပညာရေးမှာလဲထူးချွန်တဲ့ ဆရာဝန်အနုပညာရှင်တွေထဲမှာ ဘယ်သူတွေပါသလဲဆိုတာ ကြည့်လိုက်ကြရအောင်။ ဖြူဖြူကျော်သိန်း အသံပါဝါကောင်းကောင်းနဲ့ လူတိုင်းရဲ့ပါးစပ်ဖျားမှာ ရေပန်းစားတဲ့ သီချင်းကောင်းတွေကို သီဆိုခဲ့တဲ့ အဆိုတော်ဖြူဖြူကျော်သိန်းဟာ တက္ကသိုလ်ဝင်တန်းကို ထူးချွန်စွာအောင်မြင်ခဲ့ပြီး ဆေးတက္ကသိုလ်ကိုတက်ရောက်ခဲ့သူပါ။  ဆောင်းဦးလှိုင် တမူထူးခြားတဲ့ ပင်ကိုယ်သံနဲ့ အဓိပ္ပာယ်ပြည့်ဝတဲ့ သီချင်းကောင်းများစွာကို ရေးစပ်သီကုံးနိုင်တဲ့ တေးရေးတေးဆိုဆောင်းဦးလှိုင်ကလဲ ဂီတနဲ့ပတ်သတ်ရင် ဉာဏ်ကြီးရှင်ဖြစ်သလို ပညာရေးမှာလဲထွန်းပေါက်ခဲ့တဲ့ ဆေးတက္ကသိုလ်ကျောင်းသားဟောင်း တစ်ဦးပါ။ ချစ်သုဝေ အဆိုတော်လောကမှာရော သရုပ်ဆောင်လောကမှာပါ နေရာတစ်နေရာ အခိုင်အမာရရှိထားတဲ့ ချစ်သုဝေကတော့ဆေးတက္ကသိုလ်တက်ခွင့်ရခဲ့တဲ့အပြင် ပထမနှစ်ကျောင်းသူဘဝမှာ ဆေးကျောင်းအားလုံးမှာ အမှတ်အများဆုံးအဖြစ် ဘွဲ့နှင်းသဘင်ခန်းမမှာ ဆုတက်ယူခဲ့ရကြောင်း သူ့ရဲ့ facebook မှာ ဖော်ပြခဲ့ဖူးပါတယ်။ နန်းမြတ်ဖြိုးသင်း ရုပ်ရှင်ဇာတ်လမ်းတွေများစွာ ရိုက်ကူးခဲ့တဲ့ မင်းသမီးချောလေး နန်းမြတ်ဖြိုးသင်းကလဲ ဒေါက်တာတစ်ဦးပါပဲ။ငယ်စဉ်ကစာကြိုးစားခဲ့လို့ ဆရာဝန်ဖြစ်ခဲ့ပြီး အနုပညာကို ဝါသနာထုံတာကြောင့် သရုပ်ဆောင်ဖြစ်ဖို့ ထပ်မံကြိုးစားအားထုတ်ခဲ့ရပြန်တဲ့ မင်းသမီးလေးပါ။ နီနီခင်ဇော် ဆွဲဆောင်မှုရှိတဲ့အသံလေးနဲ့ သီချင်းအမျိုးအစားအားလုံးကို ပိုင်နိုင်စွာသီဆိုနိုင်တဲ့ အဆိုပါရမီရှင် ဒေါက်တာနီနီခင်ဇော်ပါ။ ပညာရေးမှာ ထူးချွန်ပြောင်မြောက်ခဲ့သလို အနုပညာလောကထဲဝင်လာပြန်တော့လဲ အချိန်တိုအတွင်းမှာတစ်ဟုန်ထိုးကျော်ကြားလာခဲ့ပြန်ပါတယ်။ ဖြိုးပြည့်စုံ အသံချိုချိုလေးနဲ့ သီချင်းအေးအေးလေးတွေ ဆိုလေ့ရှိတဲ့ အဆိုတော်ဖြိုးပြည့်စုံကလဲ ဆရာဝန်တစ်ဦးပါပဲ။ ချစ်မြတ်နိုးတဲ့ဂီတလမ်းကြောင်းပေါ်မှာ လျှောက်လှမ်းရင်း စစ်မှန်တဲ့အရည်အချင်းကြောင့် ပရိတ်သတ်ရဲ့အားပေးမှုကိုအခိုင်အမာရရှိထားသူတစ်ဦးပါ။ ထူးပိုင်ဇော်ဦး မြန်မာ့ရုပ်ရှင်သမိုင်းမှာ ပြောင်းလဲမှုတွေ ဖြစ်ပေါ်စေခဲ့တဲ့ နိုင်ငံတကာအဆင့်မှီ ရုပ်ရှင်တွေကိုရိုက်ကူးခဲ့တဲ့ဒါရိုက်တာထူးပိုင်ဇော်ဦးကတော့ စာတွေမကျက်နိုင်တော့တာကြောင့် ဆရာဝန်အဖြစ်မရပ်တည်ဖို့ ရွေးချယ်ခဲ့တာပါတဲ့။ သူ့ရဲ့ရွေးချယ်မှုကြောင့်ပဲ ရုပ်ရှင်ကားကောင်းတွေကို ကြည့်ခွင့်ရခဲ့တာပါ။ အေးချမ်းမိုး နိုင်ငံကိုယ်စားပြု miss တစ်ယောက် ဖြစ်ခဲ့တဲ့ အေးချမ်းမိုးဟာ အခုချိန်မှာတော့ M.B.B.S ဘွဲ့ကို ရရှိထားတဲ့ဒေါက်တာမမဖြစ်နေပါပြီ။ အနုပညာအလုပ်တွေလုပ်နေရင်း ကျန်းမာရေးနဲ့ပတ်သတ်တဲ့ တီဗီအစီအစဉ်တွေမှာလဲဂျူတီကုတ်လေးဝတ်ပြီး ပါဝင်တတ်သူ ဆရာဝန်မလေးဖြစ်ပါတယ်။ ပိုးမမှီသာ အဆိုတော် စိုင်းစိုင်းခမ်းလိုင် ပွဲထုတ်ပေးခဲ့တဲ့ ‘ပိတောက်ကတဲ့ဂီတ’ ရဲ့ မင်းသမီးချောလေးကတော့ ဆေးတက္ကသိုလ်တက်နေရင်း အလှအပကြောင့် ထင်ပေါ်လို့စင်တော်က ကောက်ခဲ့တာပါ။ အလုပ်သင်ဆရာဝန်မလေးမို့ပင်ပန်းတဲ့ကြားကလအနုပညာလှုပ်ရှားမှုတွေကို မျှမျှတတလုပ်နေသူလေးပါ။ သူတို့တွေကတော့ လေးစားလောက်တဲ့ ပညာအရည်အချင်းရှိပေမယ့် ကိုယ်ဝါသနာပါရာ အနုပညာကို အသက်မွေးဝမ်းကြောင်းအဖြစ် ရွေးချယ်ခဲ့တဲ့ အနုပညာရှင်တွေပဲ ဖြစ်ပါတယ်။ ပရိတ်သတ်တွေလဲ ကိုယ်တကယ်ဝါသနာပါပြီးပါရမီရှိတဲ့ အလုပ်မျိုးနဲ့ ဘဝကိုရပ်တည်ဖို့ ဘယ်တော့မှ နောက်မကျဘူးဆိုတာလေးကို သတိချပ်ထားနိုင်ဖို့မျှော်လင့်ပါတယ်နော်။

ပရိတ်သတ်တွေ သတ်မှတ်ထားတဲ့ အလှအပစံနှုန်းတွေက တဖြည်းဖြည်းမြင့်လာတာနဲ့အမျှ သရုပ်ဆောင်တွေဟာမျက်နှာလေးကြည့်ကောင်းရုံ သရုပ်ဆောင်တော်ရုံနဲ့ တင်းတိမ်နေလို့မရတော့ပါဘူး။ နှုတ်ခမ်းနီမလေးတွေ အသဲစွဲဖြစ်အောင် six packs တွေ လက်မောင်းကြွက်သားတွေနဲ​့ တောင့်တောင့်တင်းတင်းဘော်ဒီမျိုးတွေရဖို့ ကြိုးစားနေသူတွေ အများသားပါ။ ဒီနေ့ဗီဒီယိုမှာတော့ အမိုက်စားဘော်ဒီတွေနဲ့ မြန်မာပြည်က မင်းသား/မော်ဒယ်တွေအကြောင်းကို တင်ဆက်ပေးသွားမှာပါ။ ပိုင်တံခွန် အရပ်ရှည်ရှည် အသားညိုညိုနဲ့ နိုင်ငံခြားမင်းသားတွေလို ဆွဲဆောင်မှုအပြည့်ရှိတဲ့ ပိုင်တံခွန်ကတော့ ပြည်တွင်းမှာသာမက ထိုင်းနိုင်ငံအထိပါ လျှမ်းလျှမ်းတောက် အောင်မြင်ကျော်ကြားတဲ့ မော်ဒယ်တစ်ဦးပါ။ သူ့ရဲ့အရပ်အမောင်းနဲ့လိုက်ဖက်ပြီး ကျစ်လစ်တဲ့အချိုးအစားကြောင့်လဲ ဒီလိုခန့်ညားနေတာလို့ ဆိုရမှာပါပဲ။ ထူးအောင် Gym အရမ်းဆော့တဲ့မင်းသားလို့ ပြောလိုက်တာနဲ့ အားလုံး ထူးအောင်ကိုပြေးမြင်ကြမယ်ဆိုတာ အသေအချာပါပဲ။ဒီလိုဗလကြီးမျိုးတွေရအောင် အတော်ကြိုးစားကစားခဲ့ရပြီး အခုဆိုရင် အခြားမင်းသားတွေကိုပါ သူ့လိုအားကိုးချင်စရာကြီးဖြစ်လာအောင် စေတနာထားပြီး နည်းပြအဖြစ်လေ့ကျင့်ပေးနေပါတယ်။ အောင်ရဲလင်း သရုပ်ဆောင်လောကမှာ ထိပ်တန်းမင်းသားတစ်လက်ဖြစ်တဲ့ ပျိုတိုင်းကြိုက်တဲ့နှင်းဆီခိုင် အောင်ရဲလင်းဟာရုပ်တင်ချောတာမဟုတ်ပဲ ဖက်ရှင်နဲ့ ဘော်ဒီကလဲ အားလုံးငေးယူရလောက်အောင်ပါပဲ။ သူ့ရဲ့ဓာတ်ပုံတွေမှာဆိုရင်နိုင်ငံခြားမင်းသားလို့ ထင်ရလောက်အောင် ခန့်လွန်း အထာကျလွန်းပါတယ်။ တိုင်ရွန် ဘော်ဒီတောင့်တောင့် မင်းသားတွေအကြောင်းကို ပြောရင် တိုင်ရွန်ကိုချန်ထားခဲ့လို့တော့ ဘယ်ဖြစ်ပါ့မလဲ။ မော်ဒယ်အဖြစ်ကနေ သရုပ်ဆောင်လောကမှာ အောင်မြင်လာတဲ့ တိုင်ရွန်ဟာ အလုပ်များတဲ့ကြားက Gym ကို အချိန်ပေးကစားလေ့ရှိပြီး သူ့ဘော်ဒီကိုထိန်းထားဖို့ အစားအသောက်ကိုလဲဂရုစိုက်ကြောင်း သူ့ရဲ့ facebook မှာ တွေ့နိုင်ပါတယ်။ အောင်မင်းခန့် ချစ်စရာကောင်းတဲ့မျက်နှာလေးကြောင့် ဇာတ်လမ်းတွဲတွေကနေတစ်ဆင့် အောင်မြင်လာတဲ့ မင်းသားချောလေးကလဲ မျက်နှာသာမက ခန္ဓာကိုယ်ကိုပါ အချိန်ပေးဂရုစိုက်မှန်း အရမ်းကိုသိသာပါတယ်။ မြင့်မားတဲ့ အရပ်အမောင်းနဲ့လိုက်ဖက်တဲ့ ဘော်ဒီမျိုးရှိတာကြောင့် ကြည့်ကောင်းလွန်းတဲ့ မင်းသားပါ။ ခါရာ အရပ်မြင့်မြင့် အသားဖြူဖြူနဲ့ ကိုရီးယားမင်းသားလို့တောင်ထင်ရတဲ့ နှုတ်ခမ်းနီမလေးတို့ရဲ့အသဲစွဲ ခါရာကလဲ ဖွံ့ဖွံ့ထွားထွားနဲ့ အားကိုးချင်စရာပါပဲ။ အက်ရှင်ကားတွေ အရိုက်များတဲ့မင်းသားဖြစ်တာကြောင့် ဇာတ်ရုပ်တွေနဲ့လိုက်ဖက်အောင် ဒီလိုဘော်ဒီမျိုးရဖို့ အသည်းအသန်လေ့ကျင့်ထားပုံ ရပါတယ်။ မိုးယံဇွန် အရင်ကပိန်ပိန်ပါးပါးလေးပေမယ့် အခုနောက်ပိုင်းတော့ Gym ကိုကြိုးစားဆော့ပြီး ပရိတ်သတ်ရှေ့ကို အမိုက်စားပုံစံနဲ့ ထွက်ပေါ်လာခဲ့လို့ အားလုံးပါးစပ်အဟောင်းသားဖြစ်ခဲ့ရပါတယ်။ ဒီဘော်ဒီကြီးနဲ့ ရုပ်ရှင်ပိတ်ကားထက်မှာတွေ့ရဖို့လဲ ပရိတ်သတ်တွေ မျှော်လင့်နေကြတာပါ။ ထွန်းကိုကို နိုင်ငံကိုယ်စားပြု mister တစ်ယောက်ဖြစ်ခဲ့ဖူးတာမို့ အရပ်အမောင်းနဲ့ အချိုးအဆစ်က အပြစ်ပြောစရာမရှိအောင်ပြီးပြည့်စုံပါတယ်။ ရုပ်ရည်ကလဲ နှုတ်ခမ်းနီမလေးတွေအကြိုက် ဖြူဖြူသန့်သန့်မို့ အားလုံးရဲ့ ဝန်းရံခြင်းကို ခံနေရတာ အဆန်းတော့မဟုတ်ပါဘူး။ မော်ဒယ်ပေမယ့် သရုပ်ဆောင်လဲကောင်းပါတယ်။ ဒါကတော့ မြန်မာပြည်တွင်းက အမိုက်စားဘော်ဒီပိုင်ရှင် မင်းသားတွေပါ။ ပရိတ်သတ်တွေလဲ သူတို့ကိုသဘောကျတယ်၊ သူတို့နဲ့လိုက်ဖက်တဲ့မိန်းကလေးဖြစ်ချင်တယ် ဒါမှမဟုတ် သူတို့လိုခန့်ချောကြီးဖြစ်ချင်တယ်ဆိုရင်တော့ သူတို့ရဲ့နေထိုင်စားသောက်မှုပုံစံကို လေ့လာပြီး နီးစပ်ရာ gym တစ်ခုခုမှာ အမြန်ဆုံးစာရင်းသွင်းထားဖို့ လိုမယ်နော်။