အောင်သော်နဲ့အတူ ပရဟိတလုပ်ငန်းတွေလုပ်ဖြစ်တဲ့ အမှတ်တရတွေကိုပြောပြလာတဲ့ ဝေဠုကျော်

ဝေဠုကျော်ကတော့ Covid ကာလမှာ ကျန်းမာရေးဝန်ထမ်းအဖြစ် ကျိုက္ကစံကွင်းရှိ သံလွင်ဆောင် မှာ တာဝန်ထမ်းဆောင်နေတယ်လို့ သိရပါတယ်။ အဲဒီနောက် အနုပညာညီအစ်ကိုတွေ ဖြစ်တဲ့ သရုပ်ဆောင် အောင်သော် တို့ပရဟိတအသင်းနဲ့လည်း ကျန်းမာရေးဝန်ထမ်းအဖြစ် အတူပါဝင် လက်တွဲ အလုပ်လုပ်ခဲ့ကြတာ (၆) လကြာပြီဖြစ်တဲ့ အမှတ်တရတွေကို ဝေဠုကျော်က အခုလို ပြောပြထားပါတယ်။” ကျွန်တော်တို့ တွေ ကိုဗစ် ကာကွယ်ထိန်းချုပ်ရေးအတွက် တိုင်းကျမ်းမာရေးရဲ့ ကွပ်ကဲမှုနဲ့အတူ နိုင်သ၍ ဝိုင်းကူခဲ့တာ ၆ လပြည့်တဲ့ ညမှာ ထမင်းတူတူ စားဖြစ်ပြန်တယ်။ ၆ လ အတွင်းမှာ ဒုတိယ အကြိမ်ပေါ့။

စခန်း နေရာက တစ်နေရာဆီဆိုတော့ ကျန်တဲ့ အချိန်တွေမှာတွေ့ဖြစ်ကြပေမယ့် အလုပ်ကိုယ်စီနဲ့ အပြေးအလွှား ကူနေကြရတော့ စကားတောင်အေးဆေး သိပ်မပြောဖြစ်ကြဘူး။ ခုလည်း ၆ လပြည့်တာ သူသိလို့လာတာမဟုတ်ပါဘူး။ လမ်းကြုံလို့ ကျွန်တော်တို့စခန်းမှာ PPE ဝင်ချွတ်ရင်း ညစာ အတူစား ဖြစ်ရင်းမှ တို့ကူနေတာ ၆ လပြည့်ပြီဆိုတာ သတိရကြတာပါ။ တွေ့တော့လည်း ကိုဗစ် အတွေ့ ကြုံတွေထဲက ရယ်စရာ မောစရာ အဖြစ်ပျက်တွေကို ပြန်ပြောရင်း တခဏတာ အမော တွေပြေခဲ့ရတာပေါ့”ဆိုပြီးတော့ ဝေဠုကျော်ရဲ့ ဖေ့စ်ဘွတ်ပေ့ခ်ျမှာ စရေးသားခဲ့တာ ဖြစ်ပါတယ်။ ဝေဠုကျော်ဟာ Covid ကာလမှာ ကျန်းမာရေးဝန်ထမ်းအဖြစ် တာဝန်ထမ်းဆောင်နေတဲ့ သရုပ်ဆောင် အောင်သော်ကို ပြောချင်တဲ့ သူ့ရင်ထဲက စကားတွေကိုလည်း အခုလို ရေးသားထားပြန်ပါသေးတယ်။

“ညီရေ တို့တွေလို နိုင်သ၍ ကူနေကြတဲ့သူတွေ အများကြီးပါ။ အဲဒီထဲမှာ တို့တွေလည်း အပါဝင်ပေါ့။ အားလုံးလည်း ပင်ပန်းနေကြပြီ တချို့တွေဆို Q ဝင်ကြရတဲ့ သူတွေ P+ ဖြစ်လို့ ကုသမှုခံယူရတဲ့သူတွေ ပါရှိလာပြီလေ။ တို့နှစ်ယောက်လည်း တစ်ချိန်မှာတော့ Q နဲ့ P+ တစ်ခုခုတော့ထိလာနိုင်တယ်။ ခုလိုတွေ့ဖို့ဆိုတာ နောက်ရှိချင်မှ ရှိမှာ အစစဂရုစိုက်ပါညီ။ အားလုံးကို လေးစား တန်ဖိုးထားလျှက်” ဆိုပြီးတော့လည်း ဆက်လက် ရေးသားခဲ့ပါတယ်။
Mg Kaung

Leave a Reply

Your email address will not be published.