ပညာရေးကိုပဲ ပိုပြီးအာရုံစိုက်ချင်တယ်ဆိုတဲ့ လေပြေသွေး

လေပြေသွေးကတော့ သရုပ်ဆောင် အဆိုတော် မင်းမော်ကွန်းရဲ့ ဒုတိယမြောက် သမီးလေး ဖြစ်ပါတယ်။ ငယ်စဉ်ကတည်းက အဘိုးဖြစ်သူ၊ အဖေဖြစ်သူတို့နဲ့ သွားလာလှုပ်ရှားမှု အများကြီးရှိခဲ့ဖူးတာကြောင့် ပရိသတ်တွေကလည်း သတိထားမိပြီးသားဖြစ်မှာပါ။ လက်ရှိမှာတော့ လေပြေသွေးက ပညာရေးကိုပဲ ပိုအာရုံစိုက်ချင်တဲ့ အကြောင်းကိုပြောပြလာပါတယ်။ “ ညီမရဲ့ အခု ပညာရေးကတော့ Media & Communication ဆိုတာကို တက်နေတယ်။ သူက Journalism ဘက်လည်း သွားလို့ရတယ်။ ပြီးတော့ Video Editing ဘက်လည်းသွားလို့ရသလို Entertainment နဲ့သက်ဆိုင်တဲ့ စီးပွားရေးလိုင်းကိုလည်း သွှားလို့ရတယ်။

အခုတော့ ညီမက ဒုတိယနှစ်မှာဆိုတော့ လိုင်းကို ရွေးစရာမလိုသေးဘူး နယ်ပယ်အားလုံးအတွက် စာတွေကို လေ့လာနေရတုန်းအခြေအနေပါပဲ။ အခုချိန်မှာ ပညာရေးဘက်ကို အားသာနေတာ ဖြစ်လို့ ပညာရေးကိုပဲ အာရုံစိုက်နေချင်သေးတယ်။ ဒီပညာရေးပြီးတော့မှ အနုပညာအလုပ်ကို စိတ်ဝင်စားတယ်ဆိုရင် သေသေချာချာလေး လုပ်သွားဖို့ မျှော်လင့်ထားပါတယ်” လို့ ဆိုပါတယ်။ လေပြေသွေးဟာ သူမရဲ့ ဝါသနာအပေါ် မိဘတွေက ထိန်းချုပ်မထားဘူးလို့ ဆိုပါတယ်။ အနုပညာလောကထဲကို တိုးဝင်လာခဲ့ပေမယ့် အလုပ်နဲ့ ပတ်သက်လာရင် ဖခင်ဖြစ်သူက အမြဲ သွန်သင် လေ့ရှိတယ်လို့ ဆိုပါတယ်။ “ ညီမရဲ့ ဝါသနာနဲ့ ပတ်သက်ပြီး ဖေဖေ နဲ့ မေမေက ဟိုဟာမလုပ်ရဘူး၊ ဒီဟာ မလုပ်ရဘူးလို့တော့ ပြောထားတာမရှိဘူး။ ဒါပေမယ့် ကိုယ်လုပ်ချင်တာရှိရင် လုပ်၊ ဖြစ်လာမယ့် အရာအကုန်လုံးကို ကိုယ်တာဝန်ယူနိုင်မယ်ဆိုရင်တော့ လုပ်ဖို့ ပြောပြထားပါတယ်။ ဖေဖေကတော့ ပိုပြီးတော့ Control လုပ်တယ်လို့ထင်တယ်။

ဒါပေမယ့် ဖေဖေရော မေမေရောက အရမ်း Control လုပ်တဲ့ အထဲမှာတော့ မပါ ပါဘူး။ ဖေဖေ ကတော့ ကိုယ်ဒီအလုပ်ကို လုပ်ပြီဆိုရင် ဘယ်လိုတွေ လုပ်ရမယ်၊ လူတွေနဲ့ ဆက်ဆံတဲ့အခါမှာ ဘယ်လို ဆက်ဆံရမယ် ဆိုတာမျိုးတွေတော့ သင်ပြပေးပါတယ်” လို့ ဆက်လက် ပြောပြလာပါတယ်။ လေပြေသွေးဟာ အနုပညာမျိုးရိုးက ဆင်းသက်လာသူတစ်ဦးဖြစ်ပါတယ်။ အဘိုးဖြစ်သူ သရုပ်ဆောင် ဇင်ဝိုင်း ၊ အဖေဖြစ်သူ သရုပ်ဆောင် မင်းမော်ကွန်းထံတို့က ပေါက်ဖွားလာသူဖြစ်သလို သူကိုယ်တိုင်ကလည်းကြော်ငြာတွေ ပါဝင်သရုပ်ဆောင်နေသူဖြစ်ပါတယ်။

• Mg Kaung