လူရွှင်တော်ဗေလုဝရဲ့ ကျန်းမာရေးပြန်လည်ကောင်းမွန်လာပြီဟု ဇနီးဖြစ်သူပြော

သရုပ်ဆောင် ဗေလုဝကတော့ လက်ရှိမှာ ကျန်းမာရေးမကောင်းတာကြောင့် အနုပညာအလုပ်တွေ နားထားရတာဖြစ်ပါတယ်။ အခုချိန်မှာ စကားမပြောနိုင်သေးပေမယ့် ကျန်းမာရေး အခြေအနေ တိုးတက်လာတယ်လို့ သူ့ရဲ့ ဇနီးဖြစ်သူ ဒေါ်စုစုနိုင်က က ပြောပါတယ်။ ” ဦးဗေရဲ့ ကျန်းမာရေးကတော့ တော်တော်တိုးတက်လာပြီ။ လမ်းလည်း တော်တော် လျှောက်နိုင်လာပြီ။ လက်လေးတစ်ဖက် လေ့ကျင့်ခန်းလုပ်ဖို့ပဲ ရှိတော့တာပါ။

စကားကတော့ များများစားစား သိပ်မပြောနိုင်ဘူး။ သူလိုချင်တဲ့ အရာလေးတွေလောက်ပဲ ပြောတယ်။ သူ့ကို ကလေးတစ်ယောက်လိုပဲ အရိပ်တကြည့်ကြည့်နဲ့ ပြုစုပေးနေရတာပေါ့။ အခုချိန်မှာ သူကျန်းမာရေးမကောင်းလို့ အလုပ်တွေမလုပ်နိုင်တာ ဖြစ်တဲ့အတွက် ကိုယ်က နားလည်တယ်” လို့ သူကဆိုပါတယ်။ ဗေလုဝနဲ့ ဇနီးဖြစ်သူ ဒေါ်စုစုနိုင်တို့မှာတော့ သားနှစ်ယောက်ပိုင်ဆိုင်ထားတယ်လို့ သိရပါတယ်။ ဗေလုဝအနေနဲ့ ကျန်းမာရေးအခြေအနေကောင်းခဲ့စဉ်က မိသားစုအတွက် အရမ်းတော်တဲ့ အိမ်ထောင်ဦးစီးကောင်းတစ်ယောက်ဖြစ်ခဲ့တယ်လို့ ဒေါ်စုစုနိုင်က ပြောပါတယ်

“ သူက အရမ်းတော်တဲ့ အိမ်ထောင်ဦးစီးတစ်ယောက်ဖြစ်ခဲ့ပါတယ်။ ကျန်းမာရေးကောင်းတုန်းကဆိုရင် နေ့ဘက်ဆို ကားရိုက်၊ ညဘက်ဆို ပွဲက ဆက်တိုက်ကို မနားဘူး။ ပြီးတော့ သူ ဟောပြောပွဲတွေ သွားတာလည်း နေ့ရော၊ ညရော မနားရဘူး။ အလုပ်တွေ ရရင်ရသလို သူ လက်ခံပြီး အလုပ်တွေ လုပ်ခဲ့တာပဲ။အခုတောင်မှ ကျန်းမာရေး ပြန်ကောင်းရင် အလုပ်တွေ ပြန်လုပ်မယ် ဆိုတာချည်းပဲ” လို့ ဆက်လက် ပြောပြခဲ့ပါတယ်။

  • Mg Kaung

Leave a Reply

Your email address will not be published.