သရုပ်ဆောင်နေခြည်ဦးက အမေများအဖွဲ့အတွက် ငွေကျပ် (၁၀)သိန်းလှူဒါန်းခဲ့

Social Influencer တစ်ဦးလည်းဖြစ် ၊ သရုပ်ဆောင်တစ်ဦးလည်းဖြစ်တဲ့ နေခြည်ဦးကတော့ စက်တင်ဘာ ၁၅ ရက်နေ့က အမေများ အိမ်ရာမှာ နေထိုင်တဲ့ ဝါရင့် အနုပညာရှင်ကြီးများအတွက် အသုံးအဆောင် ပစ္စည်းများနဲ့ ကျန်းမာရေး ထောက်ပံ့ငွေများ လှူဒါန်းခဲ့တယ်လို့ သိရပါတယ်။

“အမေတို့ အမေများအိမ်ရာ အတွက် သမီးရယ်၊ သမီးမိသားစုရယ်၊ Beautybynaychi Team ရယ် စုပြီး Covid ကာလ အခက်အခဲလေးတွေ အဆင်ပြေအောင် စောင်၊ ခြင်ထောင်၊ နဲ့အတူ လိုအပ်တာလေးတွေအတွက် အလှူငွေ ဆယ်သိန်း လှူခဲ့ပါတယ်။ လူစုလူဝေး ရှောင်နေရတဲ့အချိန်မို့ ကိုယ်တိုင်မလာနိုင်တာလည်း နားလည်ပေးပါနော်။ နောက်တစ်ခေါက် သမီးချစ်ရတဲ့ chillies တွေနဲ့ စုပေါင်းပြီး အလှူလာလုပ်ဦးမယ်နော် အမေ။ မိဘဆိုတာ သက်ရှိဘုရားလို့ သမီးရင်မှာ ခိုအောင်းအောင် ဆုံးမပေးခဲ့တဲ့ အမေဒေါ်နွဲ့နွဲ့စန်းနှင့်အမေများအတွက် ချစ်သမီးနေခြည်ဦး” ဆိုပြီး သူ့ရဲ့ Facebook Page မှာ ရေးသားခဲ့တာ ဖြစ်ပါတယ်။

လက်ရှိမှာတော့ နေခြည်ဦးဟာ Beautybynaychi Facebook Page မှာလည်း ပရိသတ်တွေနဲ့ အဆက်မပြတ်သွားအောင် အလှအပရေးရာတွေ မျှဝေနေတာတွေ့ရပါတယ်။ အနုပညာနဲ့ ပတ်သက်ပြီးတော့လည်း နေခြည်ဦးနဲ့ အောင်ရဲလင်းတို့ ပါဝင်သရုပ်ဆောင်ထားတဲ့ Music Series လေးက ပရိသတ်ကြားမှာ ရေပန်းစားလို့နေပါတယ်။ ဒီ Music Series လေးကတော့ အဆိုတော် ထက်ယံ သီဆိုထားတဲ့ ” ချစ်လိုက်” ၊ ” မင်းထက် နိဗ္ဗာန်ကို မလိုချင်” ၊ ” ကျေနပ်လား” စတဲ့ Music Series လေး ဖြစ်ပါတယ်။ ဒီ Music Series လေးတွေမှာတော့ နေခြည်ဦးနဲ့ အောင်ရဲလင်းတို့ရဲ့ လိုက်ဖက်ညီလှတဲ့တွဲဖက်သရုပ်ဆောင်မှုတွေကို ပရိသတ်အများစုက စိတ်ဝင်တစားရှိနေကြတာဖြစ်ပါတယ်။

  • Mg Kaung

Leave a Reply

Your email address will not be published.