ဇာတ်လမ်းထဲကလို အပြင်မှာလည်းအရမ်းချစ်တတ်တယ်ဆိုတဲ့ ကျော်ထက်ဇော်

ကျော်ထက်ဇော်ကတော့ အနုပညာလောကထဲကို မော်ဒယ်တစ်ယောက်အနေနဲ့ စတင်ဝင်ရောက်လာခဲ့တာဖြစ်ပါတယ်။ အဲဒီနောက် MRTV-4 ရုပ်သံဇာတ်လမ်းတွဲကနေထုတ်လွှင့်ပြသတဲ့ ‘’အမုန်းမှသည်’’ရုပ်သံဇာတ်လမ်းတွဲကနေတဆင့် ပရိသတ်တွေ စတင်သိရှိလာခဲ့တာဖြစ်ပါတယ်။ အဲဒီနောက် ဇာတ်လမ်းတွဲတွေ ဆက်တိုက်ရိုက်ကူးလာရတာဖြစ်ပြီး အခုဆိုရင် ပရိသတ်အခိုင်အမာ ရရှိလာပြီဖြစ်တဲ့ တက်သစ်စ သရုပ်ဆောင်တစ်ဦးဆိုရင်လည်း မမှားပါဘူး။

မကြာသေးခင်က ထုတ်လွှင့်ခဲ့တဲ့ ” အချစ်ဖွဲ့ လေညှင်း” ဆိုတဲ့ ရုပ်သံဇာတ်လမ်းတွဲထဲမှာလည်း ပါဝင်သရုပ်ဆောင်ခဲ့တဲ့ကျော်ထက်ဇော်က သူ့ အနေနဲ့ အရမ်းချစ်တတ်တဲ့ လူငယ်တစ်ယောက်အဖြစ် ရုပ်သံဇာတ်လမ်းတွေမှာ ပါဝင်သရုပ်ဆောင်ရတဲ့ အကြောင်းကိုပြောပြလာပါတယ်။ “ ကျွန်တော် လက်ရှိရိုက်နေတဲ့ ကာရိုက်တာက အရမ်းချစ်တတ်တဲ့ ကာရိုက်တာ ဖြစ်နေတယ်။ အပြင်မှာဆိုရင်လည်း ကျွန်တော်က ချစ်တတ်တယ်။ ဘယ်လို အရာကိုမဆို ချစ်တဲ့ စိတ်နဲ့ ကြည့်လိုက်တဲ့ အချိန်မှာ စိတ်လည်းချမ်းသာတယ်၊ ကိုယ်လည်း ကျန်းမာတယ်။ ကျွန်တော် ချစ်တတ်သ၍ကတော့ စိတ်ချမ်းသာနေမှာပဲလို့တော့ ကိုယ့်အတွေးနဲ့ ကိုယ်ခံစားဖူးပါတယ်။အချစ်ခံဖူးရင်တော့ သိမှာပါ” ဆိုပြီးတော့ သဘောကျရယ်မောရင်း ပြောပြလာပါတယ်။ ကျော်ထက်ဇော် အနေနဲ့ Covid ကာလဖြစ်ပေမယ့်လည်း အနုပညာအလုပ်တွေ လုပ်နေရတဲ့ အချိန်မှာ ကျန်းမာရေးကို ပိုဂရုစိုက်ဖြစ်တယ်လို့ ဆိုပါတယ်။

“ အခုဆိုရင် ကျန်းမာရေး ကာလက အရမ်းအရေးကြီးနေတဲ့ အတွက် သေချာအလုပ်ကို လက်ခံရတာပေါ့နော်။ ကိုယ့်တစ်ယောက်အတွက်နဲ့ ဘေးပတ်ဝန်းကျင်ကို အနှောင့်အယှက်မဖြစ်စေချင်ဘူး။ ဒါကြောင့် ကျန်းမာရေးကိုလည်း အရမ်းဂရုစိုက်ရတယ်။ အနုပညာအလုပ်တွေနဲ့ ပတ်သက်ပြီးတော့ “ လမင်းကြီး သာစမ်းပါ” ဆိုတဲ့ ဇာတ်လမ်းတွဲကိုလည်း ရိုက်ဖို့ ပြောထားတာ ရှိပါသေးတယ်” လို့ ဆက်လက် ပြောပြလာပါတယ်။

  • Mg Kaung

Leave a Reply

Your email address will not be published.