မွေးနေ့အလှူအဖြစ် ရခိုင်ပြည်နယ်အတွက် ထပ်မံလှူဒါန်းခဲ့တဲ့ နေတိုး

သရုပ်ဆောင် နေတိုးကတော့ စက်တင်ဘာလ(၉) ရက်နေ့တုန်းက အသက် (၃၉) နှစ်ပြည့်သွားပြီဖြစ်ပါတယ်။ သူ့ အနေနဲ့ မွေးနေ့ အလှူအဖြစ် ရခိုင်ပြည်နယ်အတွင်းက အိမ်ထောင်စု(၃၉) စု စားနပ်ရိက္ခာ လှူဒါန်းနိုင်ရေးအတွက် ငွေကျပ်(၉၇၅၀၀၀) ကို အလိုတော်ပြည့်ကျောင်းတိုက် ဆရာတော်ထံသို့ လှူဒါန်းခဲ့တယ်လို့ သိရပါတယ်။

“အလိုတော်ပြည့်ဆရာတော်ဘုရားကြီးအားဦးထိပ်ထားလျှက်၊ ဒီကနေ့ကျရောက်တဲ့ ရုပ်ရှင်သရုပ်ဆောင်/အဆိုတော်အကယ်ဒမီနေတိုး ရဲ့မွေးနေ့အထိမ်းအမှတ်ကုသိုလ်အဖြစ် ရခိုင်ပြည်နယ် အခြေခံပြည်သူ များအတွက် အိမ်ထောင်စု (၃၉)စု လှူဒါန်းပါတယ်။ ရခိုင်ပြည်နယ်တွင်ဖြစ်ပေါ်နေတဲ့ Covid-19 ကာလအတွင်း အခြေခံပြည်သူများအတွက် – အခြေခံစားသောက်ကုန်(၁၈)မျိုးပါဝင်တဲ့၊ တစ်ဗူးကိုတစ်အိမ်ထောင်အတွက် ကျပ် (၂၅၀၀၀) တန်ဖိုးရှိပြီ။ အခြေခံပြည်သူများအတွက် – ဒီကနေ့ ရန်ကုန်မြို့ တာမွေမြို့နယ် အလိုတော်ပြည့်ကျောင်းတိုက် အသျှင်ကုမာရ ထံသို့ပေးအပ်လှူဒါန်းခဲ့ပါတယ်။ အလိုတော်ပြည့်ပါစေ” ဆိုပြီးတော့ အသျှင်ကုမာရ ရဲ့ ဖေ့စ်ဘွတ်စာမျက်နှာမှာ ရေးသားခဲ့တာ တွေ့ရပါတယ်။

ရခိုင်တိုင်းရင်းသားတစ်ဦးဖြစ်တဲ့ နေတိုးဟာ ဒီမတိုင်ခင်ကလည်း အလိုတော်ပြည့်ဆရာတော်ထံမှာပိုးသတ်ဆေးဖြန်းစက်လှူဒါန်းခဲ့သေးတာဖြစ်ပါတယ်။ နေတိုးဟာ ပြီးခဲ့တဲ့ ရက်ပိုင်းအတွင်းကလည်း နှင်းဆီအဖွဲ့သားတွေနဲ့အတူ မာလာမြိုင်နှင်းဆီ Unplugged Music Show မှာ ပါဝင်ဖျော်ဖြေတင်ဆက်ခဲ့တာဖြစ်ပါတယ်။

• Mg Kaung