ကိုယ့်ကိုယ်ကိုယ်အောင်မြင်တယ်လို့ မခံယူထားဘူးဆိုတဲ့ စိုင်းစိုင်းခမ်းလှိုင်

အဆိုတော် စိုင်းစိုင်းခမ်းလှိုင်ကတော့ မြန်မာနိုင်ငံရဲ့ ဂီတလောကမှာ ပရိသတ်အခိုင်အမာရရှိထားတဲ့ အဆိုတော် တစ်ဦးပါ။ သူဖြတ်သန်းလာတဲ့ ဂီတရေစီးကြောင်းပေါ်မှာ ကြိုးစားနေတဲ့အရာတွေကတော့ အရင်တုန်းက စိုင်းစိုင်း နဲ့ အခုစိုင်းစိုင်း မပြောင်းလဲပါဘူးလို့ ပြောပြလာပါတယ်။ “ အခုချိန်မှာ ကျွန်တော့်ကိုယ် ကျွန်တော် အောင်မြင်တယ်လို့ ခံယူထားတာ မဟုတ်ပါဘူး။ ကိုယ့်ကိုယ်ကိုယ်တော့ အရင်တုန်းက စိုင်းစိုင်းနဲ့ အခုစိုင်းစိုင်း အတူတူပဲလို့ထင်ပါတယ်။ အရင်တုန်းက ဝါသနာပါတဲ့ အလုပ်ကိုပဲ ကျွန်တော် အခုလုပ်နေတယ်။

အရင်တုန်းက ခွန်အားမျိုးနဲ့ပဲ အခုထိ အလုပ်လုပ်နေတယ်။ အရင်တုန်းက စိုင်းစိုင်းနဲ့ အခု စိုင်းစိုင်း မပြောင်းလဲပါဘူး။ အသက်တော့ ပိုကြီးလာတယ်။ အတွေ့အကြုံတွေ ကွာလာမယ်။ ဖြတ်သန်းလာတဲ့ အချိန်မှာ ဗဟုသုတတွေ ကွာလာတာတော့ ရှိပါလိမ့်မယ်။ ကျန်တာတော့ အတူတူပါပဲခင်ဗျာ” လို့ပြောပါတယ်။လက်ရှိမှာတော့ စိုင်းစိုင်းခမ်းလှိုင်ဟာ Covid ကြောင့် ဂီတအလုပ်တွေ ရပ်နားထားတာ တွေ့ရပါတယ်။ သူ့ရဲ့ Birthday Show ကိုလည်း အိမ်မှာနေရင်း Sai Sai Pay ကနေ တဆင့် ပရိသတ်ကို ဖျော်ဖြေပေးခဲ့တာဖြစ်ပါတယ်။ ဒါကြောင့် Covid ကာလကြီးလည်း အမြန်ဆုံး ပြီးစေချင်ပြီလို့ စိုင်းစိုင်းက ပြောလာခဲ့ပါတယ်။

“ ၂၀၂၀ ဝါကျွတ်မှာ ကျွန်တော် ထူးခြားစေချင်တာက COVID-19 အတွက် ကာကွယ်ဆေးတို့၊ ကုသလို့ရမယ့် ဆေးတို့ ပေါ်လာပြီး ကိုရိုနာကြီး ထူးခြားစွာ ပျောက်ကွယ်သွားဖို့ပါပဲ။ အခု ဝါကျွတ်ဖို့ကလည်း သိပ်မလိုတော့ဘူးလေ။ အခုဆို ဝါကျွတ်ဖို့က တစ်လ၊ နှစ်လ လောက်ပဲ လိုတော့တာဆိုတော့ အခုပြောလိုက်တာတွေက ဝါကျွတ်မှာ ကျွန်တော် ဖြစ်စေချင်တဲ့ ဆန္ဒပါပဲ” လို့ ဆက်လက် ပြောပြခဲ့ပါတယ်။

• Mg Kaung