ထက်ထက်မိုးဦး ဖခင်ရဲ့ ဈာပနကိုဆောင်ရွက်ပေးဖြစ်တဲ့အကြောင်းပြောပြလာတဲ့ ဝေဋ္ဌု​ကျော်

ဝေဠုကျော်ကတော့ ထက်ထက်မိုးဦးနဲ့အနုပညာလောကထဲ စဝင်ကတည်းက ခင်ခဲ့ကြတာလို့ဆိုပါတယ်။ ထက်ထက်မိုးဦးရဲ့ ဖခင်ဖြစ်သူ ဈာပနကိုလုပ်ပေးခဲ့တဲ့ အမှတ်တရတွေကိုလည်းကနေ အခုလို ပြောပြလာပါတယ်။“ မထက်ဆိုတာက ထက်ထက်မိုးဦး မဖြစ်ခင် မှုံရွှေရည် ဆိုတဲ့ နာမည်နဲ့ မင်းသမီး စလုပ်တဲ့ အချိန်ကတည်းက ခင်မင်ခဲ့တာပါ။

သူ့ရဲ့ ဖခင် ဆုံးသွားတော့ ကျွန်တော်ကလည်း အိမ်မှာပဲနေတဲ့ အချိန်နဲ့ ဆုံသွားတဲ့ အခါမှာ ကူညီပေးခွင့်ရခဲ့တယ်။ သူကိုယ်တိုင်ကလည်း ဘယ်သူ့ကိုမှ အသိမပေးချင်ပါဘူး၊ နေ့ချင်း အပြီး လုပ်ချင်တယ်ဆိုတာနဲ့ မထက်ရဲ့ ဆန္ဒအတိုင်းဈာပနကို စီစဉ်ပေးနိုင်ခဲ့ပါတယ်” လို့ သူက ဆိုပါတယ်။ သရုပ်ဆောင် ထက်ထက်မိုးဦးရဲ့ ဖခင်ကတော့ ၂၀၂၀ ခုနှစ် ဩဂုတ်လ ၁၈ ရက်နေ့က ကွယ်လွန်ခဲ့တာ ဖြစ်ပါတယ်။ အဲဒီနေ့မှာပဲ ဝေဠုကျော်က ထက်ထက်မိုးဦးရဲ့ ဖခင်ဈာပန ကိစ္စတွေကို ဝေဠုကျော် ဖောင်ဒေးရှင်း အဖွဲ့သားတွေနဲ့ အတူ ကူညီပေးခဲ့တာ တွေ့ရပါတယ်။ အဲဒီနောက် ထက်ထက်မိုးဦးအတွက် အခုလို အားပေးစကား ဆိုခဲ့ပါတယ်။ “ သူ့ အနေနဲ့ ဖခင်ကို နောက်ဆုံး အချိန်ထိ ပြုစုခွင့်ရတယ်၊ တတ်နိုင်သလောက် သူ လုပ်ပေးခွင့်ရတယ်။

သူ့လို လုပ်ပေးခွင့် မရတဲ့ သူတွေလည်း များပါတယ်။ ဒါလေးတွေကို တွေးခိုင်းပြီး အားပေးစကားပြောခဲ့ပါတယ်။ ဒါကြောင့် မထက်လည်း အားမငယ်ပါနဲ့ မထက်မှာ အဖေတင်မကဘူး ပရိသတ်တွေလည်း အများကြီး ရှိပါသေးတယ်။ မထက် ပတ်ဝန်းကျင်မှာရှိတဲ့ မထက်ရဲ့ မိတ်ဆွေတွေ၊ မထက်ရဲ့ ပရိသတ်တွေ အတွက် မထက် လုပ်ပေးစရာတွေ အများကြီး ရှိပါသေးတယ်။ မထက်က စိတ်ဓာတ်မာပါတယ်” လို့ သူကပြောပြခဲ့တာဖြစ်ပါတယ်။

  • Mg Kaung

Leave a Reply

Your email address will not be published.