လူကြမ်းသရုပ်ဆောင် ဦးဖုန်းနိုင်ကိုသွားရောက်လှူဒါန်းခဲ့တဲ့ သရုပ်ဆောင် ဆောင်းယွန်းစံ

သရုပ်ဆောင် ဆောင်းယွန်းစံကတော့ အလှူအတန်းနဲ့ ပတ်သက်လာရင် လက်မနှေးသူတစ်ယောက်ဖြစ်ပါတယ်။ အခုလည်း ကျန်းမာရေး မကောင်းလို့ အနုပညာအလုပ်တွေနဲ့ အလှမ်းဝေးကွာနေတဲ့ လူကြမ်းသရုပ်ဆောင်ကြီး ဦးဖုန်းနိုင်ကို ကျန်းမာရေးထောက်ပံ့ငွေများ လှူဒါန်းဖြစ်ခဲ့တဲ့ အကြောင်း ပြောပြလာပါတယ်။

“ ဒီနေ့ လှူတာက ဆေးဖိုးအတွက် (၂) သိန်းရယ်၊ ဆန်ရယ်၊ ဆီရယ်၊ Mask ရယ် လှူပါတယ်။ အခုချိန်မှာ Covid က ဒုတိယအကြိမ် ပြန်စလာပြီဆိုတော့ အားလုံးအတွက် ပြန်ပြီးတော့ လိုအပ်လာပြီလေ။ ဒါပေမယ့် အဓိက ကတော့ ကျန်းမာရေး ကောင်းအောင် နေရင် ဒီရောဂါကို ပြန်ပြီးတော့ တွန်းလှန်နိုင်ရမှာပါ။ အခု ဒီအဘိုးကို ဆောင်း တွေ့လိုက်ရတဲ့ အချိန်မှာ အရမ်းလှူချင်တဲ့ စိတ်ဖြစ်ပြီးတော့ ဆက်သွယ်လိုက်တာ။ အဘိုးက တီဗီရောဂါ ခံစားနေရတဲ့သူဆိုတော့ ပိုပြီးလိုအပ်မယ် ထင်လို့ ဆောင်း အခုလို လှူဖြစ်တာပါ” လို့ဆိုပါတယ်။ဆောင်းယွန်းစံဟာ ငယ်ငယ်တုန်းက အားပေးခဲ့ရတဲ့ အနုပညာရှင်တွေကို အခုလို မြင်တွေ့ရတဲ့အပေါ် သူမရဲ့ ခံစားချက်တွေကို အခုလို ပြောပြခဲ့ပါတယ်။

“ ကိုယ် အရင်တုန်းက TV ကြည့်ပြီး အားပေးခဲ့ရတဲ့သူတွေကို ပြန်ပြီးတော့ လှူရတာ ရင်ထဲ မကောင်းဘူး။ ပြီးတော့ သူတို့ကိုအခု အပြင်မှာ ဒီလို ပုံစံတွေ့ရတာ စိတ်တကယ် မကောင်းဖြစ်ရတယ်။ အပြင်လူတွေထက်စာရင်တော့ ပိုပြီးတော့ နီးစပ်မှုရှိတဲ့အတွက် လှူဖြစ်သွားတာပေါ့” ဆိုပြီးတော့လည်း ဆက်လက် ပြောပြခဲ့ပါတယ်။

• Mg Kaung