ရုပ်ရှင်ကို (၅)ရက်တစ်ကား ရိုက်တာမျိုးတွေ မရိုက်ချင်တော့ဘူးဆိုတဲ့ ကျော်ရဲအောင်

ဝါရင့်သရုပ်ဆောင်ကြီး ကျော်ရဲအောင်ကတော့ မြန်မာ့ရုပ်ရှင်လောကထဲမှာ အချိန်အတော်ကြာဖြတ်သန်းလာခဲ့တဲ့ မင်းသားတစ်လက်ပါ။ သဘာဝကျတဲ့ သရုပ်ဆောင်မှုတွေကြောင့် ပရိသတ်အားပေးမှုအခိုင်အမာရရှိထားသူလည်းဖြစ်ပါတယ်။ယခုနောက်ပိုင်းမှာတော့ ကျော်ရဲအောင်ဟာ ရုပ်ရှင်ရိုက်ကူးမှုတွေ နည်းလာခဲ့တာဖြစ်ပြီး အနုပညာလှုပ်ရှားမှုကြဲပါးသွားခဲ့တာပါ ဒီအကြောင်းကို ကျော်ရဲအောင်က အခုလိုရှင်းပြလာခဲ့ပါတယ်။

“ဇာတ်ကားတွေ မရိုက်ဖြစ်ဘူးဆိုတာ ကိုဗစ်ကြောင့်ကော ၊ ကိုဗစ်မရှိတုန်းကလဲ သိပ်ပြီး မရိုက်ဖြစ်ဘူး။ နည်းနည်းပါးပါးပဲလုပ်ဖြစ်တယ်။ ဇာတ်ကားတွေကို သိပ်ပြီးတော့ မရွေးချယ်ပေမယ့် မရိုက်ဖြစ်တာကတော့ လာမငှားလို့ မရိုက်ဖြစ်တာလေ၊ လာမငှားတာရယ် နောက်တစ်ခုက ကိုယ်သိပ်မကြိုက်တာရယ် ငှားတဲ့ဟာကျတော့လဲ သိပ်ပြီးတော့ အဆင်မပြေဘူး။ ကိုယ်နဲ့ သိပ်မလိုက်ဘူးလေ ကိုယ်နဲ့လိုက်ရင်တော့ ရိုက်ဖြစ်ပါတယ်” လို့ဆိုလာခဲ့တာပါ။ဆက်လက်ပြီး ကျော်ရဲအောင်က “အခုနောက်ပိုင်းတော့ တော်ကြပါတယ်။ ရုပ်ရှင်ရိုက်တဲ့ ဒါရိုက်တာ အသစ်လေးတွေနဲ့ ကျွန်တော်များများ ရိုက်ဖူးတယ်။ သူတို့တွေ စိတ်ရှည်လက်ရှည် ရိုက်ကြတယ်။ အရင်လို ဝုန်းဒိုင်း ဝုန်းဒိုင်းမဟုတ်တဲ့ အတွက်ကြောင့် စိတ်ချမ်းသာတယ်။ ကျွန်တော်က အဲ့လိုရိုက်ချင်တာ။ ဘာလို့လဲဆိုတော့ ကျွန်တော် ကားမရိုက်တဲ့ ကိစ္စနဲ့ပတ်သတ်ပြီး မေးလို့ ပြောပြရဦးမယ်။ ကားရိုက်ရတာ အရင်တုန်းက ကောင်းတယ်ဗျ။ ကောင်းတယ်ဆိုတာ တိုင်တိုင်ပင်ပင်နဲ့ ရိုက်ကြတယ်။ အနည်းဆုံးမရိုက်ဘူးဆိုရင်တောင် ရက်(၂၀)လောက် ကြာကြတယ်။

အခုဟာက ရက်(၂၀)မဟုတ်တော့ဘူးလေ အခုဟာ ကားက (၇)ရက်နဲ့တစ်ကား (၅)ရက်နဲ့တစ်ကား ပြီးအောင်လိုက်ရိုက်တဲ့ အခါကျတော့ ကျွန်တော်က မရိုက်ချင်တော့ဘူး။ နောက်ပြီးတော့ အဲ့လောက်ကြီးလဲ ကျွန်တော် မလိုက်နိုင်ဘူး။ ဇာတ်ကားတစ်ကားရိုက်ပြီဆို နည်းနည်းပါးပါးတိုင်တိုင်ပင်ပင်တော့ ရှိရမယ်ဗျ။ ဘယ်လိုတိုင်တိုင်ပင်ပင်ရှိရမလဲဆိုတော့ သရုပ်ဆောင်နဲ့ ဒါရိုက်တာနဲ့ နောက်ပြီးတော့ သရုပ်ဆောက် အချင်းချင်းတွေ အဲ့လို တိုင်တိုင်ပင်ပင်လုပ်မှ အပေးအယူတွေမျှတာ အခုဟာက ကားအရေအတွက်များဖို့ ပြသခွင့်မြန်မြန်ရဖို့ ရိုက်နေကြတော့ ကြာလာတော့ မရိုင်ချင်တော့ဘူး။ ကျွန်တော်က ပေတီးပေကပ်လုပ်လာရော၊ ပေတီးပေကပ်လုပ်လာတဲ့အခါကျတော့ ဘာဖြစ်လာလဲဆိုတော့ ကျွန်တော် မကောင်းဘူးဖြစ်သွားရော။ အဲ့တော့ အဆင်ပြေအောင် မြန်မြန်ရိုက်တဲ့သူတွေကြောင့် ကိုယ်ပဲဦးနှောက်မကောင်းလို့လား မသိဘူး လိုက်မမှီဘူး။နောက်တစ်ခုက မြန်မြန်ဆန်ဆန် မရိုက်တတ်ဘူး။ ကျွန်တော်က အကြာကြီးရိုက်ဖို့ကို ပြောတာမဟုတ်ဘူး။ အခုဟာက တစ်ယောက်နဲ့ တစ်ယောက် ညှိချိန်မရှိတော့ဘူး။ အဲ့တာမျိုးတွေက သိပ်ကြာလာတဲ့အခါ များလာတဲ့ အခါမျိုးမှာကျတော့ ရုပ်ရှင်လောကကြီးပါ မကောင်းတော့ဘူး။ တဖြည်းဖြည်း အဲ့လိုဖြစ်သွားတယ်။

တခြည်းဖြည်းနဲ့ ဒါရိုက်တာတွေဟာ ထုတ်လုပ်သူကို အလိုလိုက်တယ်။ ထုတ်လုပ်သူတွေကလဲ ရက်နဲနဲနဲ့ များများလိုချင်ကြတယ်။ လူတိုင်းကတော့ ဒီတိုင်းပဲလေ။ ပိုက်ဆံတွေရင်းနှီးထားရတော့ သူတို့လဲ များများတော့ လ်ုချင်မှာပဲ။ ရက်နဲနဲနဲ့ များများရ သူတို့လဲကိုက်တယ်။ သူတို့ကိုလဲ အပြစ်မပြောပါဘူး။ ဒါပေမယ့် ဘာစည်းစောင့်သင့်လဲဆိုတော့ (၅)ရက်နဲ့ အပြီးရိုက်ချင်နဲ့သူတွေရှိကြတယ်။ အဲ့လိုတော့ မလုပ်သင့်ဘူး။ မကောင်းတာတော့ အကုန်လုံးမကောင်းကြတာပါ။ တစ်ယောက်ထဲတော့ သွားပြောလို့ မရဘူး။ “ဆိုပြီး ပြောပြလာခဲ့တာဖြစ်ပါတယ်။

  • Mg Kaung

Leave a Reply

Your email address will not be published.