ပညာရေးကို ပိုပြီးဦးစားပေးဖြစ်နေတယ်လို့ဆိုလာတဲ့ မြူလင်းကိုကို

မြူလင်းကိုကို ကိုတော့ သရုပ်ဆောင် လင်းဇာနည်ဇော်ရဲ့ တစ်ဦးတည်းသော သမီးလေး လို့ လူသိများကြပါတယ်။ သူမဟာ ပြည်ပမှာ ပညာသင်ကြားနေတာဖြစ်ပြီး လက်ရှိမှာ အနုပညာအလုပ်ထက် ပညာရေးကို ပိုဦးစားပေးဖြစ်နေတယ်လို့ ပြောပြလာပါတယ်။ “ မြူလင်းက အနုပညာအလုပ်နဲ့ ပတ်သက်လာရင် စိမ်းတယ်လေ။ ငယ်ငယ်လေးကတည်းက မေမေ့နောက် မလိုက်ဖြစ်ဘူး။ ဘာလို့ မလုပ်ဖြစ်တာလဲဆိုရင် မေမေကလည်း အနုပညာအလုပ်တွေ လုပ်ဖို့ ခွင့်မပြုဘူး။

အကုန်လုံးက မျှော်လင့်ချက်တွေ ရှိနေတဲ့ အချိန်မှာ မြူလင်းက တစ်လွဲတွေ လုပ်ပြလိုက်ရင် မကောင်းဘူး။ အနုပညာအလုပ်နဲ့ ပတ်သက်ပြီး သေသေချာချာ သင်ဖို့လိုသေးတယ်။ အဓိက ကတော့ ကျောင်းအရင်ပြီးအောင် စာကြိုးစားရမယ်” လို့ သူက ဆိုပါတယ်။ မြူလင်းကိုကို ကိုချစ်ခင်ကြတဲ့ ပရိသတ်တွေ အများကြီးရှိပေမယ့်လို့ သူမရဲ့ အနုပညာလှုပ်ရှားမှုတွေကတော့ ခြေလှမ်းစိတ်လာတာ မတွေ့ရသေးပါဘူး။ မိခင်ဖြစ်တဲ့ လင်းဇာနည်ဇော် ကိုယ်တိုင်ကလည်း အနုပညာအလုပ်တွေ လုပ်ဖို့ အားမပေးဘူးလို့ မြူလင်းကိုကို က ဆက်လက် ပြောပြခဲ့ပါတယ်။ “ အမှန်အတိုင်းပြောရရင် မေမေက အနုပညာလောကထဲကို မဝင်စေချင်ဘူး။ ကိုယ်က မသိတဲ့ သူတွေနဲ့ဆို စကားသွားပြောလိုက်ရင်အနှောင့်အယှက်ဖြစ်သွားမလားလို့ တွေးမိရင်း ကိုယ့်ဘာသာကိုယ်နေတာများတယ်။

ဒါပေမယ့် တော်တော်များများက မြူလင်းကို မာနကြီးတယ်လို့ ထင်သွားကြတယ်။ အခုတောင် စကားတော်တော်များများပြောနိုင်ဖို့ ကြိုးစားကြည့်တယ်။ အရင်တုန်းကထက်စာရင်တော့ တိုးတက်လာပါပြီ” ဆိုပြီးတော့ပြောပြပါတယ်။မြူလင်းကိုကိုဟာ မကြာသေးခင်က သူ့ရဲ့ပထမဆုံး အနုပညာခြေလှမ်စအဖြစ် အဆိုတော် Sam Sam ရဲ့ music video ထဲမှာပါဝင်သရုပ်ဆောင်ခဲ့တာတွေ့ရပါတယ်။

  • Mg Kaung

Leave a Reply

Your email address will not be published.