by သရုပ်ဆောင် ဟိန်းမင်းသူကတော့ “တို့ မမနဲ့ တို့” ရုပ်သံဇာတ်လမ်းတွဲထဲမှာ လိင်တူချင်းစိတ်ဝင်စားတဲ့ အိမ်ထောင်ရှင်ယောင်္ကျားတစ်ယောက် ကာရိုက်တာနဲ့ ပါဝင်သရုပ်ဆောင်ထားတာ တွေ့ရပါတယ်။ ဒီကာရိုက်တာဟာ သူ့အတွက် တစ်ခါမှ မရိုက်ဖူးတဲ့ ကာရိုက်တာဖြစ်သလို အတွေ့အကြုံအသစ်တွေလည်း ရတယ်လို့ဆိုပါတယ်။
“ ဒီကာရိုက်တာကို လက်ခံဖြစ်သွားတာကလည်း ကျွန်တော်က LGBT တွေကို Support လုပ်ပေးချင်တဲ့အတွက် လက်ခံရိုက်ကူးခဲ့တာပါ။ ဒီကားနဲ့ ပတ်သက်ပြီး ကျွန်တော့်ကို Gay ကြီး ဘာညာ တိုက်ခိုက်ကြတယ်။ ပြီးတော့ တကယ့်ဖြစ်တည်နေတဲ့ LGBT တွေ အပေါ်မှာလည်း မဆိုင်တဲ့ ရှုထောင့်တွေကနေ ဝေဖန်ကြတာ တွေ့ရတော့ ကျွန်တော်ကိုယ်တိုင်လည်း စိတ်မကောင်းဖြစ်ရတယ်။ ကိုယ်ကလည်း ဒီဇာတ်ကားမှာ သရုပ်ဆောင်နေတဲ့ အချိန်တုန်းကတော့ သိပ်မသိသာပေမယ့် On Air တက်တဲ့ အချိန်မှာ မိုးသူရ နဲ့ အခန်းတွေ ပြန်ကြည့်ပြီး အသည်းတွေယားတာလေးတွေတော့ ရှိတယ်” လို့ သူကဆိုပါတယ်။ ဟိန်းမင်းသူဟာ ဇာတ်ကားထဲက ဇာတ်ကောင်အတိုင်း သူသာ အမှန်တကယ် Gay ဖြစ်ခဲ့ရင် ဆိုတဲ့ ခံယူချက်ကိုလည်း အခုလို ပြောပြခဲ့ပါသေးတယ်။
“ ကျွန်တော်သာ Uke ( Gay ) တစ်ယောက်ဖြစ်ခဲ့မယ်ဆိုရင် တိုက်ခိုက်နေတဲ့လူတွေကြောင့် ပြိုလဲသွားမယ့်အစား သူတို့ပေးတဲ့ ဒဏ်ရာတွေကို အားအင်အဖြစ်အသုံးချသင့်တယ်။ ဘဝမှာ ကိုယ်က ကိုယ့်ရဲ့ ဖြစ်တည်မှုကို လက်ခံရမယ်၊ ကိုယ့်ကိုယ်ကိုယ် ဂုဏ်ယူရမယ်၊ ကိုယ့်ကိုယ်ကိုယ် ယုံကြည်မှုရှိရမယ်။ ကိုယ့်ဘဝရဲ့ အိပ်မက်တွေ၊ ပန်းတိုင်တွေ၊ ဘာဖြစ်ချင်တာလဲတွေကို တွေးပြီးတော့ လျှောက်ဖြစ်မယ်လို့ ထင်ပါတယ်” လို့ ဆက်လက် ပြောပြခဲ့ပါတယ်။ “တို့မမနဲ့ တို့” ရုပ်သံဇာတ်လမ်းတွဲကို MRTV-4 ရုပ်သံလိုင်းမှာ ထုတ်လွှင့်ပြသလျှက်ရှိပြီး ဒီဟိန်းမင်းသူ၊ မိုးသူရ၊ မြတ်သူသူ နဲ့ ရှင်မင်းဆက် တို့က အဓိက ပါဝင်သရုပ်ဆောင်ထားကြတာ တွေ့ရပါတယ်။
- Mg Kaung
