မျက်ကြည်လွှာလှူဒါန်းဖြစ်တဲ့အကြောင်းပြောပြလာတဲ့ အိုင်းရင်းဇင်မာမြင့်

အဆိုတော် အိုင်ရင်းဇင်မာမြင့်ဟာ ဩဂုတ်လ(၂၄) ရက်နေ့တုန်းက မျက်စိအထူးကုဆေးရုံကြီးမှာ မျက်ကြည်လွှာ လှူခဲ့တယ်လို့ ဆိုပါတယ်။ မျက်ကြည်လွှာ လှူဒါန်းရခြင်းရဲ့ သူမရဲ့ ဆန္ဒကိုလည်း မီဒီယာတွေကနေတဆင့် အခုလို ပြောပြလာပါတယ်။

“မျက်ကြည်လွှာ လှူချင်နေတာ တော်တော်ကြာပါပြီ။ တကယ် လှူခွင့်ရလိုက်တဲ့ အချိန်မှာ မျက်စိအလင်း လိုအပ်နေတဲ့ သူတွေအတွက် အထောက်အပံ့တစ်ခု ဖြစ်လာမယ်လို့ အိုင်ရင်း ထင်ပါတယ်။ ဒီအလှူကို မိသားစုကလည်း လက်ခံတယ်။ ဒါက ဖြစ်သင့်တယ်၊ လှူသင့်တယ် ဆိုပြီးတော့ အမေကလည်းပြောတယ်။ ပြီးတော့ အမေ့ရဲ့ သားသမီးတွေထဲမှာ အငယ်ဆုံးဖြစ်တဲ့ ကိုယ်ကဒီကုသိုလ်လေးကို တွေးမိတယ်ဆိုပြီးတော့ ကိုယ့်အတွက် အမေက ဂုဏ်ယူနေတာပါ” လို့သူက ဆိုပါတယ်။ အိုင်ရင်းဇင်မာမြင့် အနေနဲ့ သူမဖြစ်ချင်ခဲ့တဲ့ မျက်ကြည်လွှာအလှူအတွက် ရင်ထဲကပီတိစကားကို ပြောလာခဲ့ပါသေးတယ်။

“ မျက်ကြည်လွှာ လှူတယ်ဆိုတာ စွန့်စားမှု တစ်ခုလို့တော့ အိုင်ရင်း မတွေးထားဘူး။ ဘာကြောင့်လဲဆိုတော့ လူကိုယ်တိုင်တောင် သေသွားတယ်ဆိုတဲ့ အရာမှာ မျက်ကြည်လွှာဆိုတဲ့ အရာက ပါးပါးလေးပေါ့နော်။ အရမ်းသေးငယ်တဲ့ အရာလေးတစ်ခုပါ။ ဘာပဲဖြစ်ဖြစ် အများအတွက် မျှဝေပြီးတော့ အလင်းကို ပေးနိုင်တယ်လို့ထင်တယ်။ အဲဒါကြောင့် အလှူလေးအတွက် အရမ်းကျေနပ်တယ်” ဆိုပြီးတော့ပြောပြလာခဲ့ပါတယ်။

  • Mg Kaung

Leave a Reply

Your email address will not be published.