လူကြမ်းသရုပ်ဆောင်ကြီး ဦးတင်မြင့်ကိုသွားရောက်တွေ့ဆုံခဲ့တဲ့ ခင်သဇင်

ခင်သဇင်ကတော့ ဝါရင့်လူကြမ်းသရုပ်ဆောင်ကြီး ဦးတင်မြင့်နေထိုင်ရာ လှိုင်သာယာမြို့နယ်ကို သွားရောက်ခဲ့တယ်လို့ သိရပါတယ်။ ဦးတင်မြင့်ရဲ့ ကျန်းမာရေးအခြေအနေကိုလည်း သိခွင့်ရခဲ့တယ်လို့ သူကဆိုပါတယ်။ “ကိုယ်နဲ့လည်း ကားရိုက် တစ်ခါမှ မဆုံဘူးတော့ ခင်သဇင်လို့ သိ နေလိမ့်မယ်လည်း မထင်ထားပါဘူး။ ဒါပေမယ့် အိမ်ထဲ ဝင်ဝင်ချင်း ခင်သဇင်လား ဆိုပြီး ဝမ်းသာ အားရ ကြိုတော့ စိတ်ထဲ ဝမ်းသာမိပါတယ်။ မီဒီယာတွေ မပါဘူးလားတဲ့ တန်းပြီး မေးရှာပါတယ်။

အဘရယ် အေးအေးလူလူလေး လူနာ သတင်းမေး လေး လာတာပါလို့ ဆိုတော့ …ဟုတ်တယ် ….. ဟိုတစ်နေ့က သူ့အိမ်လေး ပေါ် သူ့ ရပ်ကွက်ထဲက လူတွေ တိုးကြိပ်ပြီး တက်တော့ အိမ်လေး နောက်ဖေး ပြိုသွားတယ်တဲ့။ ဒါပေမယ့် အဲလိုတွေ လာတော့ သူအရမ်းအားရှိပြီး ပျော်ရတယ်တဲ့။ ပဌာန်းကို နေ့စဉ်ရွတ်ခဲ့ရတဲ့ အကျိုးပါလို့ အဘက ဆိုပြန်သေးတယ်” ဆိုပြီးတော့ ဩဂုတ်လ (၂၀)ရက်နေ့ညက သူ့ရဲ့ ဖေ့စ်ဘွတ်စာမျက်နှာမှာ ရေးသားခဲ့ပါတယ်။ ဦးတင်မြင့်နဲ့ ကိုယ်တိုင်ဆုံတွေ့ခဲ့ရတဲ့ အချိန်မှာ စိတ်မကောင်းဖြစ်ခဲ့ရတယ်လို့လည်း ခင်သဇင်က ဆိုပါတယ်။ ” သူအခု cele ပြန်ဖြစ်ပြီ ပေါ့နော် ဆိုပြီး အရွှမ်းဖောက် နေပေမယ့် အဘရဲ့ မျက်လုံးထဲက ဝမ်းနည်း နေတဲ့ အရိပ်ယောင် တချို့ကို ခင်သဇင် လှစ်ခနဲ မြင်မိတော့ ဘာမှန်း မသိတဲ့ ကံကြမ္မာကို သက်ပြင်းတချက်ချမိရင်း အဘနဲ့အတူ လိုက်ပါ ရယ်မောဖြစ်ခဲ့ပါတယ်။

ဘဝဆိုတာ… တိုတောင်းမလိုနဲ့ ရှည်လျားခက်ခဲ လွန်းတယ်နော် အဘ။ ဘာတွေပဲ တွေ့ကြုံနေရပါစေ အဘဒီထပ်ပိုပြီး ကျန်းမာကြံ့ခိုင်တဲ့ အနုပညာသမား တစ်ယောက် အဖြစ် ဆက်လက် တည်ရှိပေးနေပါလို့ ဆုတောင်းပေးနေပါ့မယ်။ ပါဝင်သူ လှူဒါန်းသူ အလှူရှင်များကို နတ်လူ သာဓု ခေါ်ဆိုပါတယ်ရှင်”လို့လည်း ဆက်လက် ပြောပြလာပါတယ်။ ခင်သဇင်ဟာ ဒီ့မတိုင်ခင်ကလည်း ကွယ်လွန်သွားပြီဖြစ်တဲ့ ဟာသသရုပ်ဆောင် ကစ်ကစ်ရဲ့ ကျန်းမာရေးနဲ့ ပတ်သက်ပြီးတော့ ထာဝရ အလှူရှင်တစ်ဦးအဖြစ် တာဝန်ယူ စောင့်ရှောက်ပေးခဲ့တာဖြစ်ပါတယ်။

  • Mg Kaung

Leave a Reply

Your email address will not be published. Required fields are marked *