အရင်လို ပရဟိတအလုပ်တွေပြန်လည်လုပ်ကိုင်လာတဲ့ ယုန်လေး

ယုန်လေးဟာ ရုပ်ရှင်ရိုက်ကူးခွင့် တစ်နှစ်ပိတ်ပင်ခံထားရပေမယ့် ဆိုရှယ်မီဒီယာကနေတဆင့် ကြော်ငြာတွေ ပြန်လည်ရိုက်ကူးနေတာဖြစ်ပါတယ်။ သူအနေနဲ့ အခုလို ​ကြော်ငြာပြန်လည်ရိုက်ကူးရာကနေ ရရှိလာတဲ့ အနုပညာကြေးကို လမ်းဘေးမှာသစ်သီးရောင်းချနေရတဲ့ အမေအိုကြီးတစ်ယောက်ကို ငွေကြေးသွားရောက်လှူဒါန်းထားခဲ့ပါတယ်။” မနေ့က အလုပ်လေးတွေ ပြန်စရတယ်။ ရရချင်း လှူချင်တာနဲ့ Cb ကညီလေးတစ်ယောက်ပို့ထားတဲ့ Link ကိုဝင်ကြည့်ပြီး ချက်ချင်းသွားတယ်။ နဂိုထဲက မှ စိတ်က သက်ကြီးရွယ်အိုတွေ တွေ့ရင် စိတ်သိပ်ခိုင်တာမဟုတ်ဘူး ။

ကျွန်တော် မရှိတော့တဲ့ အဘိုးအဘွားပဲ မျက်လုံးထဲ မြင်မြင်နေတာ။ အဖွားကိုလာ လှူတာ တက်နိုင်သလောက် (၁)သိန်း၊ ညီမလေး မြတ်နိုးဝေက (၅သောင်း ) ပါ ၊ ဒါပေမယ့် တွေ့တဲ့ လူတွေ ကျွန်တော်မှာပါတဲ့ (၅သိန်း) လိုအပ်တယ် ထင်လို့ အကုန် ပေးခဲ့ပါတယ်။ ကျွန်တော့်ကို ကြေညာအပ်ပြီး အလုပ်ပေးတဲ့ သူများ သာဓု ခေါ်လို့ရအောင်ပါ” ဆိုပြီးတော့ သူ့ရဲ့ ဖေ့စ်ဘွတ်စာမျက်နှာမှာ ရေးသားခဲ့တာဖြစ်ပါတယ်။ ယုန်လေးဟာ လသာမြို့နယ် ဂမုန်းပွင့်ကုန်တိုက်အနီးက လမ်းဘေးလေးမှာ ဈေးရောင်းနေရတဲ့ အမေကြီးကို ငွေကျပ်(၁) သိန်း သွားရောက်လှူဒါန်းခဲ့တာဖြစ်ပါတယ်။ ကျန်းမာရေးမကောင်းတဲ့ကြားက ဈေးရောင်းနေရတဲ့ အမေကြီးအတွက် နောက်ထပ် အလှူရှင်တွေ ပေါ်လာစေချင်တယ်လို့ သူက ဆိုပါတယ်။

“အဲ့ဒီအမေ ကြီးက ပြောတယ်။ ဆေးကုနေတာတဲ့ လိုအပ်တုန်း လာလှူလို့ အရမ်းဝမ်းသာပါတယ်တဲ့ ။ သားပိုက်ဆံ အကုန်မသုံးပါဘူးတဲ့။ ကျောင်းဆောက်တဲ့ အထဲ ထည့်လှူမှာပါတဲ့ ။ ပါရင် ထပ်လှူချင်သေးတာ အသိမိတ်ဆွေ များလည်း ၂၃ လမ်း၊ ၂၄ လမ်း၊ ဂမုန်းပွင့်ကုန်တိုက် ၊ သိမ်းကြီးဈေး အနီး တက်နိုင်သလောက် ကူစေချင်ပါတယ် ဗျာ။ အားလုံး Peace” ဆိုပြီးတော့လည်း ဆက်လက်ပြောပြလာပါသေးတယ်။

• Mg Kaung