အရင်လိုပြန်ရပ်တည်နိုင်အောင်ကြိုးစားမယ်ဆိုတဲ့ ယုန်လေး

ယုန်လေးကတော့ အနုပညာအလုပ်တွေကို တတ်နိုင်သလောက် ပြန်လုပ်သွားမယ်လို့ဆိုပါတယ်။ သူဟာ ရိုက်ကူးရေးလုပ်ခွင့် တစ်နှစ် အပိတ်ခံထားရပေမယ့် ဖေ့စ်ဘွတ်စာမျက်နှာတွေပေါ်မှာ တင်ပြီး ကြော်ငြာလို့ရမယ့် ရိုက်ကူးရေးလေးတွေလုပ်ဖို့ အလုပ်လေးတွေ အပ်စေချင်တယ်လို့ ဆိုပါတယ်။ “အားလုံးကောင်းသော နေ့လေး ဖြစ်ပါစေ ခင်ဗျာ။အရင်လို Post တွေပြန်တင်ပါတော့မယ်။အချိန်ကာလ တစ်ခုမှ စိတ်ညစ်စရာတွေများစွာကြုံခဲ့ပါတယ်။ အနားမှာရှိပေးတဲ့ မိသားစုလို သူငယ်ချင်းတွေ Ph နဲ့ရော Messenger မှာရော အားပေးတဲ့ တစ်ယောက်စီတိုင်းကို အထူးကျေးဇူး တင်ပါတယ်။ကျွန်တော် တစ်နှစ် အပိတ်ခံရတဲ့အပေါ်မှာ ဘာမှ ပြောစရာမရှိပါဘူး။ ဒါပေမယ့် စားဝတ်နေရေး နဲ့ကျွန်တော် တာဝန်ယူထားတဲ့ လူတွေအတွက်တော့ကျွန်တော် ပြန်ရုန်းကန်မှ ရမှာဖြစ်တဲ့ အတွက် .ကျွန်တော်ရှင်သန်နေမှ ရပါမယ်။

We Love Yone Lay , We Stan With You Yone Lay ဆိုပြီး အဖွဲ့တွေ ဖွဲ့ထားပြီး ကျွန်တော်တာဝန်ယူထားတဲ့ လူတွေ နဲ့ ကျွန်တော့် အတွက် ထောက်ပံ့ကြေး သူတို့တက်နိုင်သလောက် လစဉ်ပေးမယ် ထောက်ပံ့မယ်ဆိုပြီးပြောလာတော့ ပျော်ပြီးကြည်းနူးမိသလိုဝမ်းလည်း ဝမ်းနည်းမိပါတယ်။ဘာလို့လဲဆိုတော့ ကျွန်တော်က ပဲ သူများကို ထောက်ပံ့ချင်တာ ကူညီချင်တာ။ကျွန်တော် မစွမ်းနိုင်တော့မှာကိုအရင်လို ပြန်မရပ်တည်နိုင်မှာကို အကြောက်ဆုံးပဲ။ စရံ ယူစရာ ရိုက်စရာ ရုပ်ရှင်ကားတွေ ပျက်ခဲ့ပါတယ် ။အခု လုပ်လို့ရတဲ့ ဘောင်ထဲက အလုပ်လေးတွေကို အရင်ထက် ပိုကြိုးစားပြီးလုပ်ပါမယ်။Fb မှာ Post တင်ပြီး ကျွန်တော် ကြေညာပေးလို့ရပါတယ်။ ရုပ်ရှင်အစည်းရုံးကို စော်ကားတာမဟုတ်ပါဘူး ခင်ဗျား။ ရုပ်ရှင်အစည်း ရုံးကို လျောက်လွှာတင်စရာမလိုပဲ Fb အတွက် ကြေညာလေးတွေ ရိုက်ပေးလို့ရပါတယ်။ Ph နဲ့ ပဲ ရိုက်မှာ ဖြစ်တဲ့ အတွက် .လူဦးရေး လည်း ရူတင်မှာ မများပါဘူး။ ဒါလေးတွေ တော့ လုပ်လို့ရပါတယ်။ကျွန်တော်မှာရှိတဲ့
💥Original Gangster
💥Special 9
💥သတိအန္တရာယ်ရှိသည်
💥ကိုယ့်သမိုင်း ကိုယ်ရေးကြသူများ
💥Mafia City
💥YONE LAY Page တွေနဲ့
💥YONE LAY Acc အားလုံးပေါင်းရင် Follower 3 M လောက်ရှိပါတယ်။ဒါလေး နဲ့ ကျွန်တော် ပြန်ရပ်တည်မယ်။အရင်လို ပရဟိတ တွေ လိုအပ်တဲ့ လူတွေကို ကူဖို့မရရအောင် ပြန်ကြိုးစားမယ်။အဲ့အတွက် ကျွန်တော့် ကို ကြေညာလေးတွေအပ်ပါအလုပ်လေးတွေ ပေးဖို့တောင်းဆိုပါတယ်။တက်စွမ်း သလောက်အကောင်းဆုံးကြိုးစားပေးပါမယ်။ အားလုံး Peace ” လို့ ယုန်လေးက သူ့ရဲ့ လူမှုကွန်ရက်စာမျက်နှာမှာရေးသားထားခဲ့တာဖြစ်ပါတယ်။

အဆိုတော် ယုန်လေးကိုလည်း မြန်မာနိုင်ငံရုပ်ရှင်အစည်းအရုံးမှ ” စည်းလုံးသင့်ပြီ မြန်မာပြည်”ဆိုတဲ့ Music Video ရိုက်ကူးရေးကို ကိုဗစ်ကာလအတွင်းမှာ ရိုက်ကူးခြင်းကြောင့် ရိုက်ကူးခွင့် တစ်နှစ် ပိတ်ပင်လိုက်တယ်လို့ ဥက္ကဌ ဦးညီညီထွန်းလွင်က သြဂုတ်လ (၇) ရက်နေ့ မနက်က အမှုဆောင်များအစည်းအဝေးအပြီးမှာ မီဒီယာတွေကို ပြောပြခဲ့တာပါ။ ယုန်လေးဟာ ” စည်းလုံးသင့်ပြီ မြန်မာပြည်”ဆိုတဲ့ Music Video ကြောင့် အနုပညာရှင်တချို့နဲ့ ပရိသတ်များစွာတို့ရဲ့ ဝေဖန်မှုတွေကိုလည်း ရင်ဆိုင်နေရတာဖြစ်ပါတယ်။

  • Mg Kaung

Leave a Reply

Your email address will not be published.