အနုပညာဝမ်းစာဖြည့်ဖို့ကာတွန်းကားတွေကြည့်ဖြစ်တယ်ဆိုတဲ့ ပိုင်တံခွန်

ပိုင်တံခွန်ဟာ အနုပညာလောကထဲကို မော်ဒယ်လ် တစ်ယောက်အနေနဲ့ စတင်ဝင်ရောက်လာခဲ့တာဖြစ်ပါတယ်။ အခုဆိုရင်တော့ သူဟာ နိုင်ငံတကာမှာရှိတဲ့ အနုပညာရှင်တွေနဲ့လည်း လက်တွဲအလုပ်လုပ်နေရသူ တစ်ယောက်ဖြစ်ပါတယ်။ သူက မော်ဒယ်လ်အလုပ်သာမက သရုပ်ဆောင်တစ်ယောက်အဖြစ် ရုပ်ရှင်ကားကြီးတွေလည်း ရိုက်ကူးနေရပြီဖြစ်ပါတယ်။

ဂီတဘက် ကိုလည်း ဝါသနာပါတာကြောင့် သူ့ရဲ့ တစ်ကိုယ်တော် Mini Album လေးဖြစ်တဲ့ “ချစ်သူ” ဆိုတဲ့ တေးစီးရီးကိုလည်း ၂၀၁၇ ခုနှစ်တုန်းကထွက်ရှိခဲ့ဖူးတာဖြစ်ပါတယ်။ပိုင်တံခွန်အနေနဲ့ ကိုဗစ်ကာလ အနုပညာအလုပ်တွေ ရပ်နားထားခဲ့ရတဲ့ အချိန်မှာသူ့ရဲ့ အနုပညာဝမ်းစာဖြည့်ဖို့ ရုပ်ရှင်ဇာတ်ကားတွေ ကြည့်ဖြစ်တယ်လို့ ဆိုပါတယ်။ ဒါပေမယ့် သူ့အနေနဲ့ ကာတွန်းကားထဲက လှုပ်ရှားမှုလေးတွေကို ပိုသဘောကျတာကြောင့် ကာတွန်းကားလေးတွေ ကြည့်တာများတယ်လို့လည်းဆိုပါတယ်။

“ ကျွန်တော် ကိုဗစ်ကာလမှာ သရုပ်ဆောင် အနေနဲ့ ဝမ်းစာဖြည့်တဲ့အရာက ကာတွန်းကားလေးတွေ ပိုကြည့်ဖြစ်တယ်။ ကျွန်တော်က ကာတွန်းကားပိုကြိုက်တယ်။ avengers ဇာတ်ကားတွေ ကြည့်တယ်။ ကာတွန်းကားထဲမှာ ကာတွန်းဇာတ်ကောင်လေးတွေရဲ့ လှုပ်ရှားမှုလေးတွေက ပိုပြီးတော့ အသက်ဝင်တယ်။ ဥပမာ ကြောင်နဲ့ ကြွက်လိုပေါ့။ စိတ်ဆိုးရင်လည်း စိတ်ဆိုးတဲ့ အမူအရာလေးတွေ ကြိုက်တယ်”လို့ သူကပြောပြခဲ့ပါတယ်။

  • Mg Kaung

Leave a Reply

Your email address will not be published.