ရွှေထူးကိုပါးရိုက်မိတာအတွက် စိတ်မကောင်းဖြစ်နေတဲ့ရွှေမှုံရတီ

“မိုးစက်များက ပြောသော” Music Video လေးထဲမှာ ရွှေထူးနဲ့ ရွှေမှုံရတီတို့ဟာ မာနတွေ အပြိုင်နေကြတဲ့ ချစ်သူစုံတွဲအဖြစ် သရုပ်ဆောင်ခဲ့တာ ဖြစ်ပါတယ်။ ဒီ သီချင်းထဲမှာ ရွှေမှုံရတီက ရွှေထူးကို ပါးတကယ် ရိုက်ခဲ့တာဟာ ရင်ထဲလုံးဝမကောင်းခဲ့ဘူးလို့ ပြောပြလာပါတယ်။ “ အပြင်မှာတော့ ရန်ဖြစ်လိုက် ပြန်ချစ်လိုက်တော့ ရှိတတ်တယ်။ ဒါပေမယ့် နည်းနည်းပဲ ရန်ဖြစ်ကြတာ။ MV ထဲမှာ ကိုရွှေထူးကို သဲက ပါး တကယ်ရိုက်လိုက်တာ။ ကိုရွှေထူးကတော့ သဲကို တကယ်မရိုက်ပါဘူး။ သူ့ကို ရိုက်ရတာ ရင်ထဲတော့ တကယ် မကောင်းဘူးပေါ့။

ရိုက်နေတဲ့ အချိန်မှာတော့ ဘာမှာ မဖြစ်ဘူး။ ရိုက်ပြီးသွားတဲ့ အချိန်မှာ တကယ် စိတ်မကောင်းဘူး။ကိုယ် ဘယ်လောက်တောင် ရိုက်လိုက်မိတယ်မသိဘူး။ သူ့ မျက်နှာကြီး တစ်ခြမ်းတော့ ယောင်သွားတယ်” လို့ သူက ဆိုပါတယ်။ “ ဒီသီချင်းက သွင်းထားတာ တစ်နှစ်လား၊ နှစ်နှစ်လား မသိဘူး။ ဒီနှစ်မှ သီချင်းကို ထွက်ဖြစ်သွားတယ်။ ဘာပဲပြောပြော အောင်အောင်မြင်မြင်၊ ဆန်းဆန်းပြားပြားလေးလုပ်ထားပါတယ်။ ပရိသတ် သိတဲ့အတိုင်း ရွှေမှုံရတီကတော့ အမြဲတမ်း ဂယက်ထအောင် လုပ်ရမှဆိုတော့ နည်းနည်း ဂယက်ထအောင် လုပ်လိုက်တဲ့ သဘောပါ။ ကျန်တာတော့ ဘာမှ မရှိပါဘူး။ အပြင်မှာ အရမ်းချစ်ကြတဲ့ စုံတွဲဖြစ်နေလို့ MV ထဲမှာ ကြမ်းကြမ်းလေး သရုပ်ဆောင်ကြမယ် ဆိုပြီး လက်ဝါးရိုက်လိုက်တာပါ။ စိတ်မကောင်းဖြစ်ခဲ့ရတဲ့ ပရိသတ်တွေကိုလည်း တောင်းပန်ပါတယ်လို့ သဲ ပြောချင်ပါတယ်” လို့ ရွှေမှုံရတီကဆက်လက်ပြောပြခဲ့ပါတယ်။

ရွှေထူးနဲ့ ရွှေမှုံရတီတို့ရဲ့ စုံတွဲသီချင်းသစ်လေးဖြစ်တဲ့ “မိုးစက်များက ပြောသော” သီချင်းကို ဇူလိုင်လ (၁၂) ရက်နေ့က ရွှေထူးရဲ့ Facebook Page ကနေ ပရိသတ်နဲ့ မိတ်ဆက်ပေးခဲ့တာ ဖြစ်ပါတယ်။ ဒီသီချင်းကို မိတ်ဆက်ပေးခဲ့တဲ့ (၄) နာရီအတွင်းမှာ အားပေးသူ ပရိသတ်ပေါင်း (၂) သန်းအထိ ရှိခဲ့တာပါ။ ဩဂုတ်လ (၁၄)ရက်နေ့မှာတော့ ပရိသတ်တွေရဲ့ အားပေးမှုဟာ ၆ သန်းကျော်သွားခဲ့ပြီဖြစ်ပါတယ်။

• Mg Kaung