ပရိသတ်မသိခင်ကထက်အများကြီး​ကွာခြားသွားပြီလို့ဆိုတဲ့ တေးသံရှင်မူးလာ

တေးသံရှင် မူးလာကတော့ Myanmar Idol Season 4 မှာ ဝင်ရောက်ယှဉ်ပြိုင်ခဲ့ပြီး ပရိသတ် အားပေးချစ်ခင်များစွာ ရရှိလာခဲ့သူ တယောက် ဖြစ်ပါတယ်။ Myanmar Idol ဝင်ပြိုင်ပြီးနောက် ပရိသတ်ရဲ့ အားပေးမှု၊ အသိအမှတ်ပြုမှု များစွာ ရရှိလာခဲ့တဲ့ မူးလာကတော့ ပရိသတ် မသိခင် မူးလာနဲ့ အခု မူးလာက အများကြီး ကွာသွားပြီလို့ ဆိုပါတယ်။“အရင်နဲ့ အခုက အများကြီး ကွာတာပေါ့။ အရင်တုန်းက မူးလာက ယဉ်ကျေးတဲ့သူမှ မဟုတ်တာ။ အခုထက်ထိပါပဲ။ ကျနော်တို့လည်း လူသားပဲလေနော်။

ဒါပေမဲ့ ကိုယ်လုပ်နေတဲ့ အနုပညာ ကိုယ့်အနားမှာ ရှိနေတဲ့သူတွေ၊ ချစ်ခင်နေတဲ့သူတွေရဲ့ မျက်နှာကို ကြည့်ပြီးတော့ အနုပညာရှင် တယောက်အနေနဲ့ အားပေးနေတဲ့သူတွေကို မျက်နှာမငယ်ရအောင်လို့ အတတ်နိုင်ဆုံး နေရတယ်”“တကယ့်တကယ် အပြင်က မူးလာဆိုရင်တော့ ယဉ်ကျေးတဲ့သူတော့ မဟုတ်ပါဘူး။ ဒါပေမဲ့ မရိုင်းစိုင်းပါဘူး။ ပျော်ပျော်နေတယ်၊ အေးဆေးပဲ” လို့ မူးလာက ပြောပါတယ်။ဆက်လက်ပြီး “တေးသံရှင် မူးလာဆိုတဲ့ နာမည်နဲ့ကျတော့ အများကြီး ထိန်းသိမ်းရတယ်။ အပြင်က စောခရစ်မူးလာ ကျတော့ တမျိုးပေါ့။ ဒါတော့ ထိန်းသိမ်းရတဲ့ အနေအထားအရတော့ အများကြီးပြောင်းလဲသွားတာပေါ့” လို့ ပြောပါတယ်။ဩဂုတ်လ ၁၀ ရက်နေ့ကတော့ သူ့ရဲ့ပထမဆုံး Single Song ဖြစ်တဲ့ “ပတ်ဝန်းကျင်” ဆိုတဲ့ သီချင်းကိုထွက်ရှိခဲ့ပြီး သီချင်းထွက်တဲ့အနေနဲ့လည်း ပရိသတ်တွေအတွက် လက်ဆောင်များကို စီစဉ်ထားတယ်လို့ သိရပါတယ်။“Surprise Plan လေး ၃ ခု ရှိပါတယ်။ အဲဒါကတော့ ကိုဗစ်ကာလ မတိုင်ခင်မှာ ဆိုခဲ့တဲ့ ပွဲတွေမှာ ဝတ်ခဲ့တဲ့အင်္ကျီတွေကို အမှတ်တရအနေနဲ့ ပြန်ရိုက်ပြီးတော့ ဓာတ်ပုံ အယ်လ်ဘမ်အနေနဲ့ တခု ထုတ်ထားပါတယ်။ နောက်ထပ် တခုအနေနဲ့ကတော့ အင်္ကျီပေါ့။

Fan Set ကို ဒီဇိုင်းအသစ်တမျိုးနဲ့ လုပ်ထားတယ်”“နောက်တခုကတော့ ပတ်ဝန်းကျင်သီချင်းကို စီဒီ ဘမ်းပြီးတော့ အခွေထုတ်တာ မဟုတ်ဘဲ စီဒီဘမ်းပြီးတော့ အမှတ်တရလက်ဆောင် လုပ်ပေးမယ်ပေါ့။ ဘယ်သူတွေအတွက် ရည်ရွယ်လဲဆိုရင် ကျနော့်ကိုအားပေးနေတဲ့သူတွေ၊ နယ်ဝေးရောက်နေပြီးတော့ ကျနော့်ကို တွေ့ဖို့ရာ ခက်ခဲတဲ့သူတွေကို အားလည်းနာတယ်။ သူတို့ကို ပေးချင်တယ်။ နောက်ပြီး အမာခံပရိသတ်တွေအတွက်လည်း ရည်ရွယ်ပါတယ်”လို့ မူးလာက ပြောပါတယ်။

• Mg Kaung