အစအနောက်မခံချင်လို့ အခွင့်ရေးရရင် ဆယ်တန်းပြန်ဖြေမယ်ဆိုတဲ့ ရွှေမှုံရတီ

ရွှေမှုံရတီကတော့ (၁၀)တန်းအောင် စာရင်းတွေ ထွက်တဲ့ အချိန်မှာ သူ့ရင်ထဲက ခံစားချက်ကို ပြောပြလာပါတယ်။ သူမအနေနဲ့ (၁၀) တန်းမအောင်ခဲ့ပေမယ့်လည်း မိသားစုကို ရှာကျွေးနိုင်တဲ့ သူဖြစ်နေလို့ ကိုယ့်ကိုယ်ကိုယ် ဂုဏ်ယူနေတယ်လို့သူပြောပါတယ်။” သဲ (၁၀) တန်းမအောင်ရတဲ့ အကြောင်းအရင်းကလည်း တစ်ခုကို အာရုံစိုက်လိုက်ရလို့ နောက်တစ်ခုကို လစ်ဟင်းသွားတာပါ။ သဲက အနုပညာအလုပ်မလုပ်ဘူးဆိုရင် (၁၀) တန်းအောင်မှာ အသေအချာပါပဲ။

ဘာကြောင့်လဲဆိုတော့ သဲ ငယ်ငယ်က ကျောင်းမှာ စာအရမ်းတော်ပါတယ်။ 1 to 3 ပဲ အမြဲနေပါတယ်။ ဘာပဲပြောပြော သဲ အာရုံစိုက်လိုက်တဲ့ အလုပ်တစ်ခုက သဲရဲ့ မိသားစုတွေကို ရှာကျွေးဖို့အတွက် ဖြစ်သွားတယ်။ အဲဒီအတွက် အရမ်းဝမ်းသာတယ်။ (၁၀) တန်းမအောင်သည့် တိုင်အောင် သဲကိုယ်သဲ အမြဲ ဂုဏ်ပြုတယ်။ ငါသည် ငါ့မိသားစုကို ရှာကျွေးနိုင်တာပဲ ဆိုတဲ့ ဂုဏ်ယူတဲ့ စိတ်နဲ့ အမြဲနေပါတယ်” လို့ ဆိုပါတယ်။ ရွှေမှုံရတီဟာ အခွင့်အရေးရရင် (၁၀)တန်းစာမေးပွဲ ပြန်ဖြေမယ်လို့ ဆိုပါတယ်။ (၁၀) တန်းမအောင်တဲ့သူတစ်ယောက်မို့ ပရိသတ်တွေရဲ့ စနောက်ခြင်း ခံရတာကိုလည်း စိတ်မကောင်းဖြစ်နေမိတယ်လို့လည်းသူကပြောပါတယ်။

” သဲအနေနဲ့ (၁၀)တန်းပြန်ဖြေချင်ပါတယ်။ အချိန်အခါအခွင့်သင့်လို့ရှိရင်လည်း ပြန်ဖြေမှာပါ။ သမီးကို (၁၀) တန်းမအောင်လို့ နှိမ်ကြတဲ့အတွက်လည်း အရမ်းဝမ်းနည်းရပါတယ်။ (၁၀) တန်းမအောင်တာနဲ့ပတ်သက်ပြီး Troll ကြတဲ့ အပေါ်မှာလည်း ကျေးဇူးတင်ပါတယ်။ ဒါက သဲကို (၁၀) တန်းပြန်ဖြေဖို့အတွက် သတိပေးနေသလိုပါပဲ။ သဲ အခု (၂၂) နှစ်ဆိုတော့ ပြန်ဖြေလို့ရမယ်လို့လည်း ထင်ပါတယ်။ ဇာတ်ညွှန်းတွေတောင် ဖတ်နိုင်သေးတာပဲ။ စာကျက်နိုင်တဲ့ ဦးနှောက်ရှိသေးတယ်လို့လည်း သဲထင်ပါတယ်” လို့ ဆက်လက် ပြောပြခဲ့ပါတယ်။

• Mg Kaung