လက်ရှိကျင့်သုံးနေတဲ့ပညာရေးစနစ်အပေါ်ထောက်ပြလာတဲ့ ဇာဏ်ခီ

သရုပ်ဆောင် အဆိုတော် တစ်ဦးဖြစ်တဲ့ဇာဏ်ခီကလတ်တလောမှာ တက္ကသိုလ်ဝင်တန်း စာမေးပွဲအောင်စာရင်းများ ထွက်ရှိခဲ့တာနဲ့ ပတ်သက်ပြီး သူ့ရဲ့အတွေးအမြင်တစ်ခုကို ပြန်လည် ဝေမျှခဲ့ပါတယ်။“တစ်ခုတော့ ကျနော် အမြဲတွေးမိတယ်။ ၁ ဘာသာကျတာနဲ့ အတန်းကျတဲ့စနစ် အမြန်ဆုံး ပြောင်းသွားစေချင်တယ်။ တခြားဘာသာတွေ ဘယ်လိုပဲအောင်အောင် တစ်ဘာသာ ကျတာနဲ့ အတန်းကျတော့ ကျတဲ့ ကျောင်းသားဟာ ဖြေရှင်းချက်မရှိ အော်တို လုံးလုံး အသုံးမကျတဲ့အဖြစ်ကို ရောက်ရပါတယ်”

“မိသားစုတွေအတွင်းမှာလည်း အရှက်ကွဲသလို မိတ်ဆွေအသိုင်းအဝိုင်းတွေကြားရော ရပ်ကွက်ထဲမှာရော အရှက်ရကြရပါတယ်။ ကျောင်းပြန်တက်တော့လည်း အတန်းငယ်တွေနဲ့ အတူတူ တက်ရတော့ ရှက်ရပြန်တယ်။ တချို့သော မိဘတွေလည်း ရှက်တဲ့ဒဏ်ကို မခံနိုင်တော့ ရိုက်ကြနှက်ကြ လုပ်ကြပါတယ်။ ရှက်အောင် တမင်များ လုပ်ထားတဲ့ စနစ်များလားလို့တောင် တွေးမိတယ်” လို့ ဇဏ်ခီက ပြောပါတယ်။တက္ကသိုလ်ဝင်တန်း အောင်စာရင်းထွက်တဲ့နေ့ဟာ ကျောင်းသားတယောက်အတွက် ပညာတတ်မြောက်ရေးထက် တိုင်းနဲ့ပြည်နယ် မိသာစုအသိုင်းအဝိုင်းများရဲ့ မဟာပြိုင်ပွဲကြီး ဖြစ်နေတယ်လို့ ဆိုပါတယ်။“အောင်စာရင်း ထွက်တဲ့နေ့ဟာ ကျောင်းသားတစ်ယောက်ရဲ့ပညာတက်မြောက်ရေးအတွက်ထက် တိုင်းနဲ့ပြည်နယ် မိသားစုအသိုင်းအဝိုင်းတွေရဲ့ မဟာပြိုင်ပွဲကြီး ဖြစ်နေတယ်။ အောင်စာရင်းတွေကို Public ချပြထားတော့ အောင်စာရင်း ကြည့်ရတဲ့နေ့လောက် Stress များတဲ့နေ့ မရှိဘူး။ ကျောင်းသားအတွက်ရော မိဘအတွက်ရော။ တော်တော်များများ ကျောင်းသားတွေကတော့ “အောင်ပါ့မလား” “ငါ့နာမည်မှပါပါ့မလား” ဆိုတဲ့ စိတ်ဖိစီးမှုကြီးနဲ့ အောင်စာရင်းကို သွားကြည့်ကြရတယ်” လို့ ဇဏ်ခီက ဆိုထားပါတယ်။

ဆက်လက်ပြီး “မအောင်လောက်ဘူးလို့ သိထားတဲ့သူတွေကျပြန်တော့လည်း တချို့က မိန်းမခိုးပြေးတဲ့သူပြေး၊ တချို့လည်း မိဘစိတ်ဆိုးတာကို ရင်မဆိုင်ရဲတော့ အကြောက်လွန်ပြီး ကိုယ့်ကိုယ်ကိုယ်သေကြောင်း ကြံစည်ကြတာမျိုးတွေအထိ ဖြစ်ကုန်တာတွေတောင် ရှိပါတယ်”“စာတော်ကြီးတွေ ကျပြန်တော့လည်း သူတို့ Stress က နောက်တမျိုး၊ D ဘယ်နှစ်လုံး ထွက်မှာလဲကို ပူကြတယ်။ သူတို့တွေရဲ့ မိဘတွေကျတော့လည်း D ၃ လုံး ထွက်ရင် ၄ လုံး လိုချင်ကြတယ်။ ၄ လုံးထွက်ရင် ၅ လုံး၊ ၅ လုံးထွက်ရင် All D လိုချင်ကြတယ်” လို့ ပြောပါတယ်။ကိုယ်တိုင်ရဲ့ ပညာရေး အတွေ့အကြုံများကိုလည်း အခုလို ဝေမျှခဲ့ပါတယ်။“ကျနော် (၈) တန်းအောင်ပြီးနောက် US မှာ ကျောင်းဆက်တက်ခွင့်ရတယ်။ ဟိုဘက်က ပညာရေးစနစ်ကကျတော့ ၁ ဘာသာကျတာနဲ့ တခြားဘာသာတွေပါ မကျဘူး (ဒီက International ကျောင်းတွေလည်း ဒီလိုပဲလားတော့ မသိဘူး)။ အောင်တဲ့ ဘာသာတွေက နောက်တစ်ဆင့် ထက်တက်သွားတယ်။ ကျတဲ့ဘာသာကိုပဲ ပြန်ယူရပါတယ်။ ကျတာကိုလည်း လူသိရှင်ကြားကြီး ဖြစ်စရာ မလိုဘူး”

“တကယ်လို့ ပြန်ယူနေရတဲ့ဘာသာမှာ မလိုက်နိုင်သေးဘူးဖြစ်နေရင် ကျောင်းကနေ tuition (ကျနော်တို့ဒီမှာ ကျူရှင်လို့ ခေါ်တာကို) စီစဉ်ပေးပါတယ်။ တကယ် လိုအပ်မှသာ ကျူရှင်တက်ရပါတယ်။ လိုက်နိုင်တဲ့ ဘာသာတွေထဲမှာမှ မြန်မြန်ပြီးသွားလို့ အထက်တန်းကျောင်းအဆင့်အနေနဲ့ ယူဖို့ မရှိတော့ဘူးဆိုရင် တက္ကသိုလ်အဆင့် ဘာသာရပ်တွေကိုတောင် ကြိုယူလို့ရပါတယ်။ ရရင်ရသလောက် ပေးသွားတဲ့သဘောပါ” လို့ ဇဏ်ခီက ပြောပါတယ်။၁ ဘာသာကျတာနဲ့ အတန်းကျတဲ့စနစ်ဟာ ကလေးများအပေါ်မှာ ဖိအားများတယ်လို့မြင်မိတာကြောင့် အမြန်ဆုံးပြင်စေချင်မိတယ်လို့ ဆိုပါတယ်။“လောလောဆယ် ကျနော်တို့ဆီမှာ ကျောင်းသား တစ်ယောက်ချင်းစီကို အဲလိုလုပ်ပေးနိုင်တဲ့ စနစ်ဖြစ်ဖို့တော့ တော်တော်လေး မလွယ်သေးဘူးဆိုပေမယ့် ၁ ဘာသာလေး ကျတာနဲ့ အတန်းကျတဲ့ စနစ်ကတော့ ကလေးတွေအပေါ်မှာ တော်တော် ဖိအားများတယ်လို့ မြင်ပါတယ်။ အမြန်ဆုံးလည်း ပြင်စေချင်မိတယ်” လို့ ဇဏ်ခီက ပြောပါတယ်။

၂၀၁၉ – ၂၀၂၀ ခုနှစ် ပညာသင်နှစ်ရဲ့ တက္ကသိုလ်ဝင်တန်းစာမေးပွဲရဲ့ ရလဒ်များကိုတော့ ဩဂုတ်လ ၉ ရက်နေ့မှာ ထုတ်ပြန် ကြေငြာခဲ့ပါတယ်။“စာမေးပွဲအောင်တဲ့သူတွေအားလုံး Congratulations ပါ။ D ထွက်တဲ့သူတွေကိုလည်း I’m proud of you ပါ။ D မပါတဲ့သူတွေလည်း It’s okay ပါ။ ကျတဲ့သူတွေလည်း နောက်နှစ်ရှိပါတယ်လို့ ပြောချင်ပါတယ်။ စိတ်ဓာတ် မကျပါနဲ့” လို့ ဇဏ်ခီက သူ့ရဲ့ လူမှုကွန်ရက်စာမျက်နှာကနေတဆင့်ပြောဆိုထားပါတယ်။

• Mg Kaung