by သရုပ်ဆောင် ဖွေးဖွေးကတော့ ဩဂုတ်လ (၉) မှာ အသက်(၃၂) နှစ်ပြည့်မြောက်ခဲ့တာဖြစ်ပါတယ်။ သူမရဲ့ မွေးနေ့ အလှူလေးအဖြစ်အနုပညာလောကသားတွေထဲက သက်ကြီး အနုပညာရှင်တွေအတွက် ငွေကျပ် (၇၆) သိန်း လှူဒါန်းခဲ့တယ်လို့သိရပါတယ်။“ အခု ဖွေးလုပ်တဲ့ မွေးနေ့ အလှူလေးကလည်း ကိုဗစ်ကာလမှာ စိတ်ကူးပေါက်သွားတဲ့အရာပါ။ အရင်တုန်းကဆိုရင် မိဘမဲ့ဂေဟာတို့ အပြင်တွေမှာ လှူဖြစ်တာများတယ်။ ကိုယ့်လောကသားတွေဘက်ကို မေမေ့လျော့လျော့ဖြစ်နေတာပေါ့။ အိမ်မှာကျတော့ အဘွားလည်း ရှိတဲ့အတွက် ကိုယ့်သက်ကြီးအနုပညာရှင်တွေများကျရင် ဘယ်လိုများနေမလဲပေါ့နော်။
သူတို့ဆိုလည်း အခုချိန်မှာ အလုပ်တွေ မလုပ်ရတော့ အဆင်ရောပြေပါ့မလားလို့တွေးပြီး ကိုယ်တတ်နိုင်သလောက်လေး လှူဖြစ်တာပါ” လို့ သူကဆိုပါတယ်။ ဖွေးဖွေးကတော့ သူမရဲ့ မွေးနေ့ အကြိုအဖြစ် အလှူအတန်းတွေ လုပ်ဖြစ်ခဲ့တာကိုလည်း တွေ့ရပါတယ်။ ဩဂုတ်လ (၇) ရက်နေ့တုန်းက မေတ္တာရောင်ခြည် မယ်သီလရှင်ကျောင်းမှာ သီလရှင်အပါး(၁၅၀) စာအတွက် နေ့ဆွမ်း နဲ့ ကျောင်းဆောက်အလှူအဖြစ် ငွေကျပ် (၉) သိန်း လှူခဲ့တယ်လို့ သိရပါတယ်။ ဩဂုတ်လ (၈) ရက်နေ့မှာတော့ Mommy Cook မိဘမဲ့ဂေဟာရှိ ကလေးငယ်များအတွက် ငွေကျပ်(၁၁) သိန်း လှူဒါန်းခဲ့တာဖြစ်ပြီး ကလေးလေးတွေနဲ့ အတူတူ ပျော်ပျော်ရွှင်ရွှင်ဆော့ကစားပေးခဲ့ပါသေးတယ်။ဖွေးဖွေးဟာ ဒီနှစ်မွေးနေ့ကတော့ သူမအတွက် အပျော်ရွှင်ရဆုံး မွေးနေ့ နှစ်တစ်နှစ်ဖြစ်တယ်လို့လည်း ပြောပြလာပါတယ်။ စိတ်ချမ်းသာစရာကောင်းတဲ့ မွေးနေ့လေးပါလို့ သူက ဆိုပါတယ်။
“ ဖွေးအသက်(၂၃) နှစ်တုန်းကထက် အခု(၃၂) နှစ်က အရမ်းစိတ်ချမ်းသာပြီးတော့ ပျော်လည်းပျော်တယ်။ ငယ်ငယ်တုန်းကတော့ လူငယ်စိတ် ဆိုပေမယ့် ငါ ဘာလိုချင်တာလဲ၊ ဘာမလိုချင်ဘူးလဲဆိုတဲ့ စိတ်ရှိခဲ့တယ်။ အခုတော့ ကိုယ်ဘာလိုချင်တယ်၊ ဘယ်လမ်းကို လျှောက်ချင်တယ်ဆိုတာ ရှင်းလင်းသွားပြီ။ အဲဒီအတွက် ဖွေး အားအင်အပြည့်နဲ့ပဲ ဆက်ကြိုးစားပါမယ်” လို့ ဆက်လက် ပြောပြခဲ့ပါတယ်။
- Mg Kaung
