မွေး​နေ့အကြိုအဖြစ် အလှူအတန်းပြုလုပ်ခဲ့တဲ့ ​ဝတ်မှုံ​ရွှေရည်

သရုပ်ဆောင် ဝတ်မှုံရွှေရည်ဟာ သြဂုတ်လ(၁၀) ရက်နေ့မှာ ကျရောက်မယ့် သူမရဲ့ မွေးနေ့အတွက် အကြိုအလှူအဖြစ် စက်မှုအဖွဲ့သားများအားလုံးအတွက် စားနပ်ရိက္ခာတွေ လှူဒါန်းခဲ့တာ တွေ့ရပါတယ်။ မွေးနေ့ မတိုင်ခင် အလှူအတန်းတွေ လုပ်ဖြစ်ခဲ့တဲ့ အကြောင်းကိုလည်း မီဒီယာတွေကနေတဆင့် အခုလို ပြောပြလာပါတယ်။

“ ဒီနေ့ကတော့ မွေးနေ့အကြိုအလှူလေး လုပ်ဖြစ်တာပါ။ ကစ်မွေးနေ့ အစစ်တော့ မဟုတ်သေးဘူး။ ကြိုလုပ်ဖြစ်တာပါ။ ဘာကြောင့်လဲဆိုတော့ ကစ်ရဲ့ မွေးနေ့ကျရင် ကစ်က မအားတာရယ်၊ ပြီးတော့ ဒီနေ့မှာ စက်မှုအဖွဲ့သားတွေ အယောက်(၄၅၀) စာကို လှူဖို့ စီစဉ်လို့ အဆင်ပြေတဲ့အတွက် ဒီအလှူလေး လုပ်ဖြစ်သွားတာပါ။ မွေးနေ့ အလှူမှာတော့ ဆန်ရယ်၊ ဆီရယ်၊ ကြက်ဥရယ်၊ ခေါက်ဆွဲခြောက်ရယ်၊ Mask ရယ်လှူခဲ့ပါတယ်” လို့ သူက ဆိုပါတယ်။ သူမ လှူဒါန်းခဲ့တဲ့ ကုသိုလ်ရေးကြောင့် ပျော်ရွှင်ခဲ့တဲ့ စက်မှုအဖွဲ့သားတွေအတွက် ဝမ်းသာပီတိဖြစ်မိတယ်လို့ ဝတ်မှုံရွှေရည်ကပြောပြလာပါတယ်။

“ ဒီနှစ် မွေးနေ့ကို ကိုယ့်ရုပ်ရှင်လောကထဲက လိုအပ်နေတဲ့ နေရာတွေမှာ လှူမယ်ဆိုပြီးတော့ စဉ်းစားထားတာပါ။ (၁၀) ရက်ကျော်ရင်လည်း နောက်ထပ် လိုအပ်တဲ့နေရာတွေမှာ ကစ်သွားလှူဦးမှာပါ။ ကိုယ့် အနုပညာလောကသားတွေထဲက တကယ်လိုအပ်နေတဲ့နေရာတွေရှိသေးတယ်လေ အဲဒီနေရာတွေကို သွားလှူမှာပါ။ ပီတိကတော့ သူတို့ပျော်နေတာတွေ တွေ့ရတော့ ကစ်ကိုယ်တိုင်လည်း တကယ်ပျော်နေရပါတယ်” လို့လည်း ဆက်လက် ပြောပြသွားခဲ့ပါတယ်။

• Mg Kaung