ကျွန်​​တော်တို့မှားတယ်ဆိုတာ ဝန်ခံပါတယ်လို့ဆိုလာတဲ့ သရုပ်​​​ဆောင်ထူးခြား

သရုပ်ဆောင်ထူးခြားကတော့ “ ငါတို့ အားလုံးရဲ့ မြေ” သီချင်းနဲ့ ပတ်သက်ပြီး ပရိသတ်တွေ၊ အနုပညာရှင်တွေရဲ့ ဝေဖန်ပြောဆိုမှုတွေ ကြုံနေရတဲ့ သူငယ်ချင်းဖြစ်သူ ယုန်လေးအတွက် စိတ်မကောင်းဖြစ်လို့နေပြီး ယုန်လေးကို ခွင့်လွှတ်ပေးကြဖို့လည်း တောင်းဆိုလာခဲ့ပါတယ်။

“ ကျွန်တော်လည်း ကျွန်တော့် သူငယ်ချင်းအတွက် စိတ်မကောင်းဖြစ်မိပါတယ်။ သူလည်း အခုလို ဖြစ်သွား မယ်လို့ ရည်ရွယ်ချင်မှ ရည်ရွယ်မှာလေ။ ဒါဟာ ယုန်လေးက စိတ်လောသွားတာပါ။ သူ့ရဲ့ တင်ပြမှုက တလွဲကြီးဖြစ်သွားတယ်။ အခုဆို ယုန်လေးကလည်း အားလုံးကို တောင်းပန်နေပါပြီ။ ဒီ့အတွက် ကျေအေးပေးကြပါလို့ ကျွန်တော်က ပြောချင်ပါတယ်” ဆိုပြီးတော့ မနေ့က မီဒီယာ​တွေ​ရှေ့မှာဖြေဆိုခဲ့တာပါ။“ ငါတို့ အားလုံးရဲ့ မြေ” Music Video ထဲမှာလည်း သရုပ်ဆောင် ထူးခြားဟာ တပ်မတော်သားတစ်ယောက်အဖြစ် ပါဝင်သရုပ်ဆောင်ခဲ့တာ ဖြစ်ပါတယ်။ ဒီ Music Video ကို ဖန်တီးထားတဲ့ ယုန်လေးရဲ့ စိတ်နေစိတ်ထားအပေါ် ထူးခြား ရဲ့ သဘောထားကို အခုလို ပြောပြခဲ့ပါသေးတယ်။

“ နိုင်ငံခြားဇာတ်ကားတွေမှာဆိုရင် သမ္မတကို ပြန်ပေးဆွဲကြတယ်၊ ပြန်ကယ်ကြမယ်ပေါ့။ ကျွန်တော့် အထင်ကတော့ သူ့ရဲ့ စိတ်ကို စဉ်းစားကြည့်လိုက်တဲ့ အခါမှာလည်း ဒီလောက်လေးနဲ့ သူ ရိုက်လိုက်တယ်။ ဒါပေမယ့် အခုချိန်မှာ အားလုံးဖြစ်စေချင်တဲ့ ဆန္ဒနဲ့ သူ့ရဲ့ တင်ပြမှုက တလွဲဖြစ်သွားတယ်။ အဲဒီအတွက် ယုန်လေးကိုယ်စား ကျွန်တော် တောင်းပန်ပါတယ်။ ပါဝင်ကြတဲ့ သူအားလုံးကလည်း အခုလို ဖြစ်စေမယ့် ရည်ရွယ်ချက်မျိုးမရှိပါဘူး။ ကျွန်တော်တို့ မှားတယ် ဆိုတာ ဝန်ခံပါတယ်” လို့ ဆက်လက် ဖြေဆိုခဲ့ပါတယ်။

• Mg Kaung