သူငယ်ချင်းဖြစ်သူ ယုန်​လေးအတွက် ကူညီ​ဖြေရှင်း​ပေးခဲ့ကြတဲ့ မြင့်မြတ် နဲ့ ​ကေညီ

လတ်တ​လောဖြစ်ပွား​နေတဲ့ ကိစ္စ​တွေနဲ့ပတ်သက်ပြီးအဆိုတော် ယုန်လေး အတွက် သရုပ်ဆောင် မြင့်မြတ် နဲ့ Kညီ တို့ ဦးဆောင်ကာ ဒီနေ့ သြဂုတ်(၆) ရက်နေ့ မနက်ပိုင်းက မြန်မာနိုင်ငံရုပ်ရှင်အစည်းအရုံးသို့ သွားရောက်တောင်းပန်ခဲ့ကြပါတယ်။ လာရောက်တောင်းပန် ခဲ့ကြတဲ့ အခြေအနေနဲ့ ပတ်သက်ပြီး မြန်မာနိုင်ငံရုပ်ရှင်အစည်းအရုံး ဥက္ကဌ ဦးညီညီထွန်းလွင်က အခုလို ပြောပြလာပါတယ်။

“ ကိုယုန်လေးတို့ လာတောင်းပန်တာတော့ မဟုတ်ပါဘူး။ သူရိုက်ထားတာက စည်းလုံးသင့်ပြီ မြန်မာပြည် ပေါ့နော်။ ဒါကို သူက စေတနာနဲ့ ရိုက်ပေးတာ။ သူပြောသွားတဲ့ အထဲမှာတော့ ၈၈ အရေးအခင်းတုန်းက သူ ၃ နှစ်သားပဲရှိပါသေးတယ်။ သူ ဘာမှ နားမလည်ဘူး၊ အဲဒီအကြောင်းအရာတွေကို သူမသိဘူး။ သူရိုက်ကူးခဲ့တဲ့ ဇာတ်ကားတွေဆိုရင်လည်း ထူးခြားမှုလေးတွေကို သူကြိုက်လို့ သူရိုက်တယ်။ ဒါကိုလည်း ထူးခြားမယ်ထင်လို့ သူရိုက်တယ်။ သူက ဘယ်သူ ဘယ်ဝါဆီကမှ အခကြေးငွေယူပြီးရိုက်ထားတာလည်း မဟုတ်ဘူးဆိုတာကို ရှင်းပြတယ်။ သားညီတို့၊ ကေညီတို့၊ ထူးခြားတို့လည်း ပါတယ်။ ပါဝင်သရုပ်ဆောင်ကြတဲ့ သူတွေကလည်း မေတ္တာ စေတနာနဲ့ ပါဝင်ရိုက်ကူးထားကြတာပါ။ MTV အတွက်ကိုလည်း တစ်ခုခုဖြစ်ရင် သူပဲ တာဝန်ယူထားပါတယ်။ ပြီးတော့ အဖွဲ့အစည်းတစ်ခုခုကိုလည်း ထိခိုက်နစ်နာစေလိုတဲ့ ဆန္ဒ လုံးဝ မရှိပါဘူးလို့ လာရှင်းပြပါတယ်” လို့ ဆိုပါတယ်။ အဆိုတော် ယုန်လေးရဲ့ ” စည်းလုံးသင့်ပြီ မြန်မာပြည်” သီချင်းနဲ့ ပတ်သက်ပြီး မြန်မာနိုင်ငံ ရုပ်ရှင်အစည်းအရုံးမှ CEC အဖွဲ့ကလည်း သြဂုတ်လ ၇ ရက်နေ့ မှာ အစည်းအဝေးပြုလုပ်ပြီး ဆုံးဖြတ်သွားမယ်လို့ သိရပါတယ်။ အဆိုတော် ယုန်လေးတို့ ရှင်းပြပေးခဲ့တဲ့ အကြောင်းအရာတွေကိုလည်း ယင်း အစည်းအဝေးမှာ ထည့်သွင်း ဆုံးဖြတ်သွားမယ်လို့ ဦးညီညီထွန်းလွင်က ပြောပြခဲ့ပါတယ်။

ယုန်လေးအနေနဲ့လည်း ” စည်းလုံးသင့်ပြီ မြန်မာပြည်” သီချင်းအတွက်နဲ့ စိတ်ဓာတ်ကျနေတဲ့ သူ့ကို ဘေးကနေ မခွာပဲ အမြဲ အားပေးနေကြတဲ့ သူငယ်ချင်းတွေဖြစ်တဲ့ မြင့်မြတ်၊ ခင်လှိုင်၊ သားညီ၊ K ညီ နဲ့ ထူးခြား တို့ကိုလည်းသြဂုတ်လ(၆) ရက်နေ့ မနက်ပိုင်းက သူ့ရဲ့ ဖေ့စ်ဘွတ်အကောင့်မှာ ကျေးဇူးတင်စကားဆိုခဲ့ပါသေးတယ်။ အဲဒီနောက် ” စည်းလုံးသင့်ပြီ မြန်မာပြည်” သီချင်းအပေါ် ဝေဖန်မှုတွေနဲ့ ပတ်သက်ပြီး ယုန်လေးကို စိတ်ဓာတ်မကျဖို့ အားပေးစကားဆိုခဲ့ကြတဲ့ မို့မို့မြင့်အောင်၊ထူးအယ်လ်လင်း နဲ့ အနုပညာရှင် ညီငယ်၊ ညီမငယ်တွေကိုလည်း ကျေးဇူးတင်စကားပြောခဲ့ပါတယ်။

  • Mg Kaung

Leave a Reply

Your email address will not be published.