by စိုင်းစည်တွမ်ခမ်းကတော့ မော်ဒယ်လ်တစ်ယောက်အဖြစ် အနုပညာလောကထဲကို စတင်ခြေချလာခဲ့တဲ့သူပါ။ နောက်ပိုင်းမှာတော့ သရုပ်ဆောင်လိုင်းဘက်ကို ကူးပြောင်းလာတဲ့အပြင် မကြာသေးခင်ကလည်း သူ့ရဲ့ တစ်ကိုယ်တော် သီချင်းအသစ်တစ်ပုဒ်ကို ဖြန့်ချိထားပါသေးတယ်။အနုပညာအလုပ်သာမက စီးပွားရေးလုပ်ငန်းကိုပါ တွဲဖက်လုပ်ကိုင်နေတဲ့ စိုင်းစည်တွမ်ခမ်းက သူ့ရဲ့ သူငယ်ချင်းတွေနဲ့ ပေါင်းပြီး ဘားဆိုင် တစ်ဆိုင်ကို ရန်ကုန်မြို့မှာ ဖွင့်လှစ်ထားတာပါ။
အခုအခါမှာဆိုရင်လည်းသူက သူ့ရဲ့ အမျိုးတွေနဲ့ပေါင်းပြီး “လားရှိုးသူ” ဆိုတဲ့ ရှမ်းစားသောက်ဆိုင်တစ်ဆိုင်ကို ထပ်မံဖွင့်လှစ်ထားတယ်လို့ သိရပါတယ်။” ဆိုင်က အဓိကကတော့ ကျွန်တော့်အမျိုးတွေ ဖွင့်ကြတာပေါ့။ ကျွန်တော့်အဒေါ်တွေက ဆိုင်မှာချက်တယ်။ ဆိုင်မှာတော့ ရှမ်းအစားအသောက်တွေ အဓိကရတာပေါ့။ ရှမ်းခေါက်ဆွဲတို့ ၊ ရှမ်းထမင်း ဟင်း တို့။ ပြီးတော့ မာလာရှမ်းကောလည်းရပါတယ်။ ဒါ့အပြင်ကိုမှ ရှမ်းထမင်းပုံစားလည်းရတယ်။ ဆိုင်က ကျောင်းနဲ့လည်း နီးတယ်။ နဝဒေးလမ်း ၊ ဒဂုံ ၁ ကျောင်း အရှေ့မှာဖွင့်ထားတာ။ ကျွန်တော်ကိုယ်တိုင်ကလည်း ကျောင်းသားဘဝမှာ တက္ကသိုလ်တက်ရင်း ရှမ်းထမင်းပုံစားကိုပဲစားရင်း ကျောင်းပြီး ဘွဲ့ရလာတာ။ ကျွန်တော့်ဆိုင်မှာလည်း ကျောင်းသားတွေ လာစားရင် သင့်တင့်တဲ့ ဈေးနဲ့ စားသုံးနိုင်အောင်လုပ်ပေးထားတယ်” လို့ဆိုပါတယ်။
ဒါ့အပြင် ဆိုင်မှာက အစားအစာတွေကို ရှမ်းလူမျိုးစစ်စစ်တွေ ချက်ပြုတ်တာကြောင့် ရှမ်းအစားအစာ စစ်စစ်စားချင်တဲ့ ရန်ကုန်ကလူတွေ ၊ ရန်ကုန်ရောက်နေပြီး ရှမ်းအစားအသောက်တွေကို လွမ်းနေတဲ့ ရှမ်းပြည်ကလူတွေ လာစားကြည့်စေချင်ပါတယ်လို့ သူကဆိုပါသေးတယ်။သူ့အနေနဲ့ ဟိုးအရင်ကတည်းက အခုလို စားသောက်ဆိုင်နဲ့ ပတ်သက်တဲ့ စီးပွားရေးကို လုပ်ကိုင်လာခဲ့တာဖြစ်ပြီး လက်ရှိကိုဗစ်ကာလမှာ အစားအသောက်ရောင်းချနေတဲ့ အနုပညာရှင်တွေကိုလည်း ဒီအလုပ်နဲ့ပတ်သက်ပြီး အားပေးတယ်လို့ဆိုပါတယ်။
- Mg Kaung
