အကယ်ဒမီသရုပ်​​​ဆောင်​တွေနဲ့ ကိုဗစ်ကာလအပြီးမှာ ရိုက်ကူး​တော့မယ့် ရုပ်ရှင်ဇာတ်ကားသစ်

ကိုဗစ်ကာလမှာ မြန်မာ့ရုပ်ရှင်ရိုက်ကူး​ရေး​တွေကို ရပ်နားထားခဲ့ရတာ အချိန်အ​​တော်ကြာခဲ့ပြီဖြစ်ပါတယ်။အခုအခါမှာ​တော့ ကျန်းမာ​ရေးဝန်ကြီးဌာန နဲ့ မြန်မာနိုင်ငံရုပ်ရှင်အစည်းအရုံးရဲ့ လမ်းညွှန်ချက်​တွေနဲ့ အညီ ရိုက်ကူး​ရေး​တွေ ပြန်လည်လုပ်​ဆောင်ခွင့်​​ပေးလိုက်ပြီလည်းဖြစ်ပါတယ်။

လူငယ်ဒါရိုက်တာ တစ်ဦးဖြစ်တဲ့ ဝင်းလွင်ထက်က​တော့ ရိုက်ကူး​ရေး​တွေ ပြန်လည်လုပ်ကိုင်ခွင့်ရတဲ့အချိန်မှာ ” အိမ် ” ဆိုတဲ့ ရုပ်ရှင်ဇာတ်ကားကြီးကို ပုံ​ဖော်ရိုက်ကူးသွားဖို့ရှိတယ်လို့သိရပါတယ်။ဒီဇာတ်ကားမှာ သရုပ်​ဆောင် ထွန်းထွန်း ၊ ​အေးမြတ်သူ ၊ မေသဉ္ဇာဦး နဲ့ ယွန်းယွန်းတို့က ပါဝင်သရုပ်​​ဆောင်သွားကြမှာပါ။ဒီဇာတ်ကားကို ရိုက်ကူးမယ့် ဒါရိုက်တာ ဝင်းလွင်ထက်ကိုယ်တိုင်က အကယ်ဒမီဆုကို ရရှိထားသူဖြစ်သလို ပါဝင်မယ့် အဓိက သရုပ်​ဆောင် ​လေး​ယောက်လုံးကလည်း အကယ်ဒမီဆုရှင်​တွေဖြစ်ကြတာ​ကြောင့် မရိုက်ကူးခင်ကတည်းက ပရိသတ် အာရုံစိုက်မှုကို ရရှိ​နေပြီဖြစ်တဲ့ ဇာတ်ကားတစ်ကားဖြစ်ပါတယ်။

ဒါ့အပြင် ” အိမ် ” ဆိုတဲ့ ဇာတ်ကားရဲ့ နာမည်​ကြောင့် မိသားစုဒရမ်မာ ဇာတ်ကားတစ်ကားဖြစ်​လေမလားလို့လည်း ပရိသတ်​တွေက ထင်​​ကြေး​ပေး​နေကြပါတယ်။

  • Mg Kaung

Leave a Reply

Your email address will not be published.